Դատական օրենսգրքի բարեփոխումներով (փաթեթն ԱԺ-ում է) գործող դատավորների գույքային դրությունը ենթակա է լինելու ստուգման: Այս մասին ԱԺ պետաիրավական հարցերի հանձնաժողովի նիստում այսօր հայտարարեց ՀՀ արդարադատության նախարար Ռուստամ Բադասյանը՝ արձագանքելով «Լուսավոր Հայաստանի» պատգամավոր Տարոն Սիմոնյանի այն նկատառմանը, որ հանրությունը պետք է հաշվի առնի՝ այս գործընթացն այն «վեթինգը» չէ, որի մասին այդքան խոսվեց:
Բադասյանը նշեց. «Նկատի ունեի դատավորների հայտարարագրերի ներկայացման ճշտությունը: Մենք «վեթինգ» եւ «բարեվարքության ստուգում» բառերի միջեւ ընտրություն չենք կատարել, մենք էությունն ենք ասել: Ասում ենք, որ հաշվետու, անկախ, թափանցիկ, կոռուպցիայից զերծ դատական համակարգ պետք է ունենանք՝ չխախտելով դատավորների անկախությունը: Այնպիսի օրենսդրական կարգավորումներ ենք նախատեսել, որոնք սահմանադրությունը չեն խախտում»:
Լուիզա ՍՈՒՔԻԱՍՅԱՆ
