ԱԺ պետաիրավական հարցերի հանձնաժողովի նիստում այսօր քննարկվեց կառավարության հեղինակած՝ «Դատական օրենսգիրք» սահմանադրական օրենքում փոփոխությունների օրենսդրական փաթեթը:
Արդարադատության նախարար Ռուստամ Բադասյանը հայտարարեց, որ լիագումար նիստում առաջին ընթերցումից հետո մի շարք կետեր են փոխվել, մասնավորապես՝ դատավորի համար թույլատրելի համարվող նվերի, բացառությամբ՝ մերձավոր ազգականներից ստացված նվերների, դրամական արժեքը 100.000-ի փոխարեն դարձվել է 60.000 դրամ, իսկ մեկ տարվա համար սահմանված նվերների չափը 400 հազար դրամից դարձվել է 240 000 դրամ:
Բադասյանի փոխանցմամբ՝ դատավորների թեկնածուների հավակնորդների ցուցակում ընդգրկվելու համար անհրաժեշտ երկու օտար լեզվի իմացության պահանջը փոխարինվել է մեկ լեզվի իմացության պահանջով. «Եթե այդ լեզուն ռուսերենն է, ապա հավակնորդը պարտավոր է այլ լեզվի իմացության ապացույց ներկայացնել»:
Նախարարը նշեց, որ ընդունվել են կոռուպցիայի կանխարգելման հանձնաժողովի առաջարկները, որոնք ուղղված են դատավորների բարեվարքության ստուգման մեխանիզմներին:
Կարդացեք նաև
Լուիզա ՍՈՒՔԻԱՍՅԱՆ
