«Իրատեսի» զրուցակիցն է «Լուսավոր Հայաստան» խմբակցության պատգամավոր ԱՆՆԱ ԿՈՍՏԱՆՅԱՆԸ։
–Չնայած հորդորներին և ձեռնարկված միջոցառումներին՝ խնջույքները տներում, ռեստորաններում և սրճարաններում չեն դադարում։ Գուցե մարդկանց այդքա՞ն էլ լավ չեն իրազեկում:
-Իմ գնահատմամբ՝ իրազեկումը լրատվության տարածման բոլոր հնարավոր միջոցներով և օղակներով իրականացվում է բավականին օպերատիվ, խնդիրը քաղաքացիական ցածր գիտակցությունն է: Ցավոք սրտի, մեր հասարակությունը շարժվում է ծանր մահակի կիրառման մեթոդաբանությամբ, որքան խիստ են սահմանափակումները, այնքան ավելի արդյունավետ կլինի արտակարգ դրության հայտարարումը։ Սրա վառ ապացույցն էլ հենց Ձեր մատնանշված խնջույքներն են հանրային սննդի օբյեկտներում կամ տներում։
–ԱԺ–ն նույնպես շարունակում է աշխատանքները, նիստերը չեն դադարելու, քառօրյան կա, բայց «Իմ քայլի» Ձեր որոշ գործընկերներ, օրինակ, խորհուրդ են տալիս նստել տանը: Հիմա ի՞նչ անել։
Կարդացեք նաև
-Վերևում ասած միտքս վերաբերում է նաև Ազգային ժողովին՝ թե՛ պատգամավորներին, թե՛ աշխատակազմին: Պարետատան հայտարարած 20 և ավելի անձանց կողմից հավաքների արգելքի տրամաբանությունը կորչում է: Արտակարգ դրությունը, իմ պատկերացմամբ, պետք է էլ ավելի խիստ սահմանափակումներ ենթադրեր՝ բացառելով վարակի հավանական տարածումը։
–Իշխանություններն ամենասկզբից ասում էին` «ո՞ւմ շունն է կորոնավիրուսը», «պինցետով կհանենք» և այլն: Անլու՞րջ էր նրանց վերաբերմունքը:
-Այո, անլուրջ էր, վստահ եմ աշխարհում տեղի ունեցող անցուդարձին լավ ծանոթ էին, և նմանօրինակ մոտեցումն ինձ համար անհասկանալի է առնվազն: «Լուսավոր Հայաստան» խմբակցությունը, ի դեմս Էդմոն Մարուքյանի, պարբերաբար կոչ էր անում հրատապ կերպով սահմանները փակել, Իտալիայից Երևան ուղիղ չվերթերն առժամանակ կասեցնել և արտակարգ դրություն հայտարարել։ Ըստ էության, այս բոլոր գործողություններն իրականացվեցին, սակայն ավելի ուշ, քան կարելի էր անել:
Զրույցը՝
Սևակ ՎԱՐԴՈՒՄՅԱՆԻ
Հոդվածն ամբողջությամբ՝ «Իրատես» թերթի այսօրվա համարում
