Հարցին, թե վերջին շրջանում կորոնավիրուսի հետ պայմանավորված միջազգային բորսայում պղնձի գների շարունակական անկում է նկատվում, ո՞րն է պղնձի գների թույլատրելի շեմը ՀՀ-ում պղնձարտադրող ձեռնարկությունների համար, որից ներքեւ արդեն շահութաբերությունը բացակայում է, եւ այս հարցում պետության եւ նրանց մեջ համագործակցություն կա՞, էկոնոմիկայի նախարար Տիգրան Խաչատրյանը պատասխանեց, որ ոլորտներ կան, որոնք այս նոր տնտեսական պայմաններում առաջին հարվածը վերցրին իրենց վրա. «Մեկը զբոսաշրջությունն է եւ դրան առնչվող ծառայությունները եւ արտահանող որոշ կազմակերպություններն են, այդ թվում՝ պղնձարտահանությունը: Եվ աշխարհում պղնձի գների նվազումը 1 տոննայի դիմաց $4880՝ տարեսկզբի $ 6000-ի համեմատ, անկասկած, ազդում են պղնձի խտանյութ արտահանող կազմակերպությունների վրա: Ակնհայտ է, որ այս գինը երկարաժամկետ առումով շատ դժվար պայմաններ է ստեղծում կազմակերպություններից յուրաքանչյուրի համար: Եվ կառավարությունում քննարկում են, թե ինչպես կարող են արձագանքել այդ խնդիրներին»:
Աշոտ ՀԱԿՈԲՅԱՆ
