Եվրամիության անդամ երկրները համաձայնության են եկել երրորդ երկրների քաղաքացիների մուտքի արգելքի հարցով: Այս մասին մարտի 17-ին հայտարարել է Գերմանիայի կանցլեր Անգելա Մերկելը: Արգելքը սահմանվում է 30 օրով և ուժի մեջ է մտնում անհապաղ:
Եվրամիություն կարող են մուտք գործել միայն ԵՄ քաղաքացիները և նրանց ընտանիքների անդամները, Մեծ Բրիտանիայի, Իսլանդիայի, Լիխտենշտեյնի, Նորվեգիայի և Շվեյցարիայի քաղաքացիները, ինչպես նաև ԵՄ-ում կեցության իրավունք ունեցող անձինք: Երրորդ երկրների անձանց մուտքը կթույլատրվի միայն «հրատապ դեպքերում»:
Միևնույն ժամանակ Մերկելն ընդգծել է, որ պետք է ապահովել բեռնափոխադրումների ազատ տեղաշարժը: Նրա խոսքով՝ այս պահին սահմանին «որոշակի բարդություններ» կան: Գերմանիայի կանցլերը նաև ասել է, այն մարդիկ, որոնք պարբերաբար հատում են սահմանը աշխատանքի գնալու համար, խնդիրներ չպետք է ունենան:
Առողջապահության համաշխարհային կազմակերպության տվյալներով՝ Եվրոպան ներկայում կորոնավիրուսի համավարակի կենտրոնն է:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
