Մարտի 14-ին Ստեփանավան-Վանաձոր ճանապարհի 14-րդ կիլոմետրին սոճի և բոխի տեսակի հատված ծառեր էին հայտնաբերվել։ Ստեփանավանի բաժնի քրեական հետախույզներն ու համայնքային ոստիկանները օպերատիվ միջոցառումների շնորհիվ տեղեկություններ ստացան, որ ծառերը հատել է «Հայանտառ» ՊՈԱԿ-ի Գյուլագարակի անտառպետության անտառապահներից մեկը։ Ծառերը հատել էր բենզասղոցով, որը հայտնաբերվել և առգրավվել է։ Դեպքի առթիվ ոստիկանության Ստեփանավանի բաժնում նյութեր են նախապատրաստվում, որի շրջանակներում միջոցառումներ են ձեռնարկվում՝ արարքի շարժառիթը պարզելու ուղղությամբ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ ոստիկանություն
