Բելառուսի նախագահ Ալեքսանդր Լուկաշենկոն քննադատել է Ռուսաստանի՝ երկու երկրների միջև սահմանը մասնակի փակելու որոշումը: «Իմ փորձից ելնելով՝ մի քանի տաքգլուխների Ռուսաստանում խորհուրդ եմ տալիս նախքան խոսելը մտածել: Բանը նրանում է, որ փակել, կամ ինչ-որ պատերազմ սկսել ավելի հեշտ է, քան հետո այդ իրավիճակից դուրս գալը»,-հայտարարել է Բելառուսի նախագահը:
Լուկաշենկոն չի բացառել, որ Ռուսաստանի իշխանություններին ավելի շատ մտահոգում է՝ ինչպես Մոսկվան զերծ պահեն վարակից և մտածում են «Աստված չանի Ռուսաստանի Դաշնության կառավարությունը վարակվի»:
Նրա խոսքով՝ Ռուսաստանում կորոնավիրուսի դեպքերն ավելի շատ են: «Եվ ո՞վ ումից պետք է վարակվի: Հռետորական հարց է»,- հավելել է նա:
Լուկաշենկոն նաև ասել է, որ Բելառուսում համեմատաբար հանգիստ իրավիճակ է, իսկ Ռուսաստանը «բոցավառվում է կորոնավիրուսից»:
Ավելի վաղ հաղորդել էինք, որ Ռուսաստանի կառավարությունը կորոնավիրուսի պատճառով որոշել է փակել Բելառուսի հետ սահմանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
