Aravot.am-ը Երեւանի քաղաքապետի մամուլի խոսնակ Հակոբ Կարապետյանից հետաքրքրվեց՝ ի՞նչ իրավունքներ ունեն մինչեւ տասը տարեկան երեխաներ ունեցողները, եւ իրենց այն աշխատակիցները, ովքեր խնամում են իրենց անկողնային հարազատներին եւ վաթսուն եւ ավելի տարեկան չեն, որպեսզի տանը մնան: Խնդրեցինք հստակեցնել, թե նշյալ խմբերին պատկանող իրենց եւ իրենց ենթակայությամբ գործող կառույցների աշխատակիցների պարագայում ինչ է արվում:
«Երեւանի քաղաքապետարանը վաթսուն տարեկան եւ բարձր տարիքի աշխատակիցներին, ինչպես նաեւ քրոնիկ հիվանդություններ ունեցողներին առաջարկել է աշխատանքը շարունակել տանը՝ հեռավար եղանակով, առցանց ձեւաչափով: Ինչ վերաբերում է մյուս դեպքերին, կարծում եմ՝ այդ դեպքերում առանձին անհատական մոտեցում կցուցաբերվի»,-պատասխանեց Հակոբ Կարապետյանը:
Քանի որ նույն թեմայով հարցեր ենք ստացել տարբեր պետական գերատեսչությունների աշխատակիցներից, հարցն ուղարկել ենք նաեւ Հայկական միասնական տեղեկատվական կենտրոն:
Հիշեցնենք, որ ՀՀ վարչապետ Նիկոլ Փաշինյանը հայտարարել էր, որ 60 եւ ավելի տարիքի մարդիկ, հղիները, ջերմություն ունեցողներն աշխատանքի չպետք է գնան:
Կարդացեք նաև
Գոհար ՀԱԿՈԲՅԱՆ
