Անի Սամսոնյան. «Ի­րա­կա­նում իշ­խա­նու­թյու­նը խրա­խու­սում է երկ­րում ստեղծ­ված ա­տե­լու­թյան մթ­նո­լոր­տի ձևա­վո­րու­մը». «Իրատես»

Այն, ինչ այ­սօր կա­տար­վում է քա­ղա­քա­կան ու հա­սա­րա­կա­կան տի­րույ­թում, հետևանք է հե­ղա­փո­խու­թյան ժա­մա­նակ ներ­դր­ված ոչ դրա­կան պրակ­տի­կա­յի: Մարդ­կանց, սո­ցիա­լա­կան ցան­ցե­րի օգ­տա­տե­րե­րի ու, առ­հա­սա­րակ, քա­ղա­քա­ցի­նե­րի վե­րա­բեր­մուն­քը քա­ղա­քա­կան երևույթ­նե­րի, դեմ­քե­րի նկատ­մամբ, այն է՝ նրանց փա­ռա­բա­նե­լը, սր­բե­րի շար­քում դա­սե­լը, հայ­հո­յե­լը, սև ու սպի­տա­կի բա­ժա­նե­լը 2018-ի ապ­րիլ-մա­յի­սյան ի­րա­դար­ձու­թյուն­նե­րի ժա­մա­նա­կից են սկիզբ ա­ռել ու չեն լքում մեզ: «Ի­րա­տե­սի» հետ զրույ­ցում նման տե­սա­կետ հայտ­նեց «Լու­սա­վոր Հա­յաս­տան» խմ­բակ­ցու­թյան պատ­գա­մա­վոր Ա­ՆԻ ՍԱՄ­ՍՈ­ՆՅԱ­ՆԸ:

-Նախ­կին­նե­րին մեր­ժե­լու հա­մար է­մո­ցիո­նալ այն­պի­սի սուր դաշտ էր պետք, ո­րը ձեռն­տու էր գոր­ծող իշ­խա­նու­թյա­նը: Բնա­կա­նա­բար երկ­րում տե­ղի ու­նե­ցած քա­ղա­քա­կան գոր­ծըն­թաց­նե­րից հե­տո մարդ­կանց մի խումբ սկիզբ դրեց այն­պի­սի գոր­ծըն­թաց­նե­րի, որ դուր չէին գա­լիս մեկ այլ խմ­բի, ու սա բե­րեց առ­ճա­կատ­ման: Իշ­խա­նու­թյան այն պն­դու­մը, թե սի­րո ու հան­դուր­ժո­ղա­կա­նու­թյան հե­ղա­փո­խու­թյու­նից հե­տո երկ­րում հա­մե­րաշ­խու­թյան մթ­նո­լորտ է, մար­դիկ, փո­ղո­ցում ի­րար տես­նե­լով, գր­կում են, բո­լո­րը մեկ­մե­կու սի­րում են, զուտ հայ­տա­րա­րու­թյուն­ներ մնա­ցին: Ի­րա­կա­նում իշ­խա­նու­թյու­նը խրա­խու­սում է երկ­րում ստեղծ­ված ա­տե­լու­թյան մթ­նո­լոր­տի ձևա­վո­րու­մը, ու խրա­խու­սում է, ո­րով­հետև, այդ ա­տե­լու­թյու­նը մի ծայ­րով ուղղ­ված է ընդ­դեմ իշ­խա­նու­թյան, մի ծայ­րով պաշտ­պա­նում է իշ­խա­նա­վոր­նե­րին: Հետևա­բար ես այլ կերպ չեմ կա­րող մեկ­նա­բա­նել մեր գոր­ծըն­կեր­նե­րի վար­քա­գի­ծը, երբ իշ­խա­նու­թյան քա­ղա­քա­կան հա­կա­ռա­կորդ­նե­րին, ընդ­դի­մա­խոս­նե­րին հայ­հո­յում են հենց ի­րենց պա­տի տակ, վի­րա­վո­րում, նվաս­տաց­նում, պատ­վի ու ար­ժա­նա­պատ­վու­թյան հետ են խա­ղում, իսկ նրանք քայ­լեր չեն ձեռ­նար­կում: Ես դրան այլ ան­վա­նում չեմ կա­րող տալ, քան ա­տե­լու­թյան մթ­նո­լոր­տի խրա­խու­սումն է,- ա­սում է նա:

-«Իմ քայ­լը» խմ­բակ­ցու­թյան պատ­գա­մա­վոր­նե­րը, ի դեպ, ա­սում են, որ ե­թե «Լու­սա­վոր Հա­յաս­տա­նի» պատ­գա­մա­վոր­նե­րը փո­ղոց դուրս գան ու շփ­վեն քա­ղա­քա­ցի­նե­րի հետ, ա­պա կտես­նեն, որ ի­րենց հաս­ցեին միայն սո­ցիա­լա­կան ցան­ցե­րում չէ, որ վատ են ար­տա­հայտ­վում:

-Ինձ հա­մար զվար­ճա­լի է, երբ Facebook-ով եր­կիր կա­ռա­վա­րող իշ­խա­նու­թյան ներ­կա­յա­ցու­ցիչ­ներն ընդ­դի­մու­թյա­նը կոչ են ա­նում դուրս գալ փո­ղոց ու շփ­վել քա­ղա­քա­ցի­նե­րի հետ: Դրանք մեր խոր­հուրդ­ներն են ե­ղել իշ­խա­նու­թյա­նը, մենք ենք ա­սել, որ դուրս ե­կեք Facebook-յան ի­րա­կա­նու­թյու­նից: Ե­թե սո­ցիա­լա­կան ցան­ցե­րի փո­խա­րեն նրանք դուրս գան փո­ղոց, կհաս­կա­նան, որ այն, ինչ կա­տար­վում է մեր դեմ, այն ա­տե­լու­թյու­նը, որ գե­նե­րաց­վում է մե­զա­նից յու­րա­քան­չյու­րի նկատ­մամբ, գե­նե­րաց­վում է Facebook-ում: Բայց մյուս կող­մից՝ այդ ա­մենն ազ­դում է նաև մարդ­կանց ի­րա­կան կյան­քի, պա­հե­լաձևի ու վար­քի վրա: Դա է պատ­ճա­ռը, որ ա­հա­զան­գում ենք՝ հար­գե­լի՛ իշ­խա­նու­թյուն, պատ­գա­մա­վոր­ներ ու գոր­ծա­դի­րի ան­դամ­ներ, ե­թե այս­պես շա­րու­նա­կեք, ա­պա այդ մթ­նո­լոր­տը սո­ցիա­լա­կան ցան­ցե­րից դուրս է գա­լու և ար­դեն իսկ դուրս է ե­կել: Մար­դիկ տար­բեր ի­րա­վի­ճակ­նե­րում՝ ըն­կեր­նե­րը մի­մյանց հետ զրու­ցե­լիս, հարևան­նե­րը բա­կում սուրճ խմե­լիս, բա­րե­կամ­նե­րը հար­սա­նիք­նե­րի կամ խն­ջույք­նե­րի ժա­մա­նակ, քա­ղա­քա­կան վի­ճա­բա­նու­թյան են բռն­վում, ին­չը ծեծ­կռ­տու­քի է վե­րած­վում: Սա բնավ միս­տի­կա­յի ժան­րից չէ, նման դեպ­քե­րի մա­սին լսել ենք ար­դեն:

Կարդացեք նաև

Կոչ եմ անում Բագրատ սրբազանին՝ դադարեցնել Սրբազան պայքարը եւ կոչ անել խորհրդարանական ընդդիմությանը՝ վայր դնել մանդատները. Անի Սամսոնյան. «Հրապարակ»

• 11:28 09.10.2024

Ինչքան պատգամավոր կա, որ պարգևավճարներ է ստանում պետբյուջեից, բայց ժողովուրդը չգիտի ոնց է այդ մարդը հայտնվել պառլամենտում. Անի Սամսոնյան

• 23:45 28.08.2024

Ինչքան անլուրջ պետություն պետք է լինել, որ օրը ցերեկով Սևանում պարեկային ծառայության հրամանատարի ծեծեն, իսկ նույն ժամանակ վարչապետը Սևանում վրան խփի, հեծանիվ քշի ու տիկտոկի վիդեոներ նկարի. Անի Սամսոնյան

• 12:07 26.08.2024

-Տի­կին Սամ­սո­նյան, ինչ­պե՞ս եք վե­րա­բեր­վում մետ­րո­յում տե­ղի ու­նե­ցած մի­ջա­դե­պին, երբ աղ­ջի­կը վար­չա­պե­տի մեկ­նած բուկ­լե­տը պատ­ռել, այ­նու­հետ նե­տել էր նրա վրա: «Իմ քայ­լի» ձեր գոր­ծըն­կեր­նե­րը սա հա­մա­րում են վուլ­գար, 1000 տար­վա պատ­մու­թյուն ու­նե­ցող ազ­գին ոչ հա­րիր պահ­վածք:

-Ես որևէ բնո­րո­շում չեմ տա այդ երևույ­թին: Կա­սեմ միայն, որ մար­դիկ ըն­դօ­րի­նա­կում են ի­րեն­ցից հե­ղի­նա­կու­թյուն ներ­կա­յաց­նող մարդ­կանց կամ այն ան­ձանց, որ հա­սա­րա­կա­կան վար­քագ­ծի կա­նոն­ներ են թե­լադ­րում: Այդ մարդ­կան­ցից է նաև վար­չա­պետ Նի­կոլ Փա­շի­նյա­նը, հե­ղա­փո­խու­թյու­նից ա­ռաջ նա նույն­պես վար­վել է այդ­պես, նման օ­րի­նակ է ցույց տվել: Հի­մա ե­թե մար­դիկ ո­րո­շեն փչաց­նել տե­սախ­ցիկ­նե­րը, ա­րա­գա­չա­փե­րը կամ տա­րա­տե­սակ բա­ներ կպց­նեն դրանց վրա, ու՞մ են մե­ղադ­րե­լու, քա­ղա­քա­ցու՞ն, ում պետք է Facebook-ում նվաս­տաց­նեն, թե՞ վար­չա­պե­տին ու նրա հա­մա­խոհ­նե­րին, ով­քեր նման վար­քա­գիծ են դրսևո­րել: Ընդ ո­րում, ե­թե ա­րա­գա­չա­փեր փա­կե­լուց հե­տո այ­սօր­վա իշ­խա­նու­թյուն­նե­րը վե­րաց­նեին դրանք, ես կհաս­կա­նա­յի այդ ա­րար­քը, բայց ե­թե նման քայ­լի չեն գնա­ցել ու չեն վե­րաց­րել, նշա­նա­կում է, որ ե­թե մար­դիկ ու­զե­նան ի­րենց բո­ղո­քը նույն կերպ ար­տա­հայ­տել, որևէ մե­կը քն­նա­դա­տե­լու ի­րա­վունք չու­նի:

Սևակ ՎԱՐ­ԴՈՒ­ՄՅԱ­Ն

Հարցազրույցն ամբողջությամբ՝ «Իրատես» թերթի այսօրվա համարում