Ինչպես տեղեկացրել ենք, այս պահին Ազգային ժողովը հատուկ նիստ է անցկացնում՝ երկրում մարտի 16-ից ապրիլի 14-ը արտակարգ դրություն սահմանելու կառավարության բերած նախագիծը հաստատելու հարցով:
«Իմ քայլի» պատգամավոր Միքայել Զոլյանը ՀՀ վարչապետ Նիկոլ Փաշինյանին հարցրեց հանրային միջոցառումների արգելքից: Ինչպես տեղեկացրել ենք, արգելվելու է 20 հոգուց ավելի մարդկանց մասնակցությամբ միջոցառումները այն վայրերում, որը ռիսկային կհամարի պարետը: Զոլյանը հարցրեց՝ եթե X քաղաքում արգելվում է, մարդիկ դա կանեն Y քաղաքում, ի՞նչ խնդիր է դա լուծելու:
Վարչապետը պատասխանեց, որ արգելվում է հանրահավաքները, կա երկրորդ շերտը՝ հուղարկավորությունը. «Այն սահմանափակվում է պարետի որոշմամբ, նույնը՝ հարսանիքը, նշանդրեքը: Կարող ենք վարկած առաջադրել, որ եթե մենք Էջմիածնի տարածքում արգելենք հարսանիքը, մարդիկ կարող են տեղափոխվել եւ Երեւանում անել այդ հարսանիքը: Դրա համար կան օպերատիվ մարմիններ, եթե դա կլինի՝ կկայացվեն համապատասխան որոշումներ»:
Վարչապետն ասաց, որ եթե էջմիածնեցիները պարզվի, որ ջերմություն չունեն, թող գան Երեւանում կամ Արտաշատում հարսանիք անեն, պրոբլեմ չկա: Պրոբլեմն այն է, որ հարսանիքի հրավիրվածներից ով ջերմություն կունենա, պետք է հետ գնա, եթե չլսի, հարկադրանքի միջոց կարող ենք կիրառել:
Կարդացեք նաև
Հռիփսիմե ՋԵԲԵՋՅԱՆ
