Չինաստանում նոր տեսակի կորոնավիրուսի համաճարակը հանգեցրել է տնտեսության ռեկորդային անկման: Ընթացիկ տարվա հունվար-փետրվար ամիսներին Չինաստանի արտադրական արդյունաբերությունը տարեկան կտրվածքով նվազել է 13.5%, մանրածախ առևտրի շրջանառությունը կրճատվել է 20.5%, իսկ հիմնական կապիտալում ներդրումները՝ 24.5%: Այս մասին հաղորդում է Deutsche Welle-ն՝ վկայակոչելով Պեկինում վիճակագրական գերատեսչության հայտարարությունը:
Հունվարի վերջից Չինաստանի տնտեսությունը գործնականում կանգ է առել: Վարակի տարածումը կանխելու նպատակով ձեռնարկված միջոցառումների պատճառով ձեռնարկությունները փակվել են:
Քանի որ նախորդ շաբաթ Չինաստանի իշխանությունները հայտարարել են, որ համաճարակի պիկը հաղթահարվել է, վերլուծաբաններն ակնկալում են տնտեսական ցուցանիշների որոշակի բարելավում: Միևնույն ժամանակ փորձագետները նշում են, որ մի շարք շրջաններում արտադրության վերականգնումը ընթանում է ավելի դանդաղ, քան սպասվում էր:
Տեղեկատվության համաձայն՝ ամբողջ երկրով մեկ շաբաթվա սկզբին գրանցվել է մահացության 14, կորոնավիրուսի 16 նոր դեպք:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
