«Հայրենիք» հիմնադրամի հոգաբարձուների խորհրդի նախագահ, ԱԱԾ նախկին տնօրեն Արթուր Վանեցյանը ինստագրամի իր էջում գրում է.
Սիրելի՛ հայրենակիցներ,
Վերջին օրերին Հայաստանում կորոնավիրուսի տարածման անհանգստացնող ցուցանիշը զգոնություն է պահանջում բոլորիցս: Էժան դիվիդենտներ ստանալու փորձերը կամ իրավիճակն անհարկի անլրջացնելն ու պատասխանատվություն ստանձնելու անկարողությունը հավասարապես վտանգավոր են:
Արդեն իսկ պարզ է, որ համավարակը բերելու է սոցիալ-տնտեսական և բարոյահոգեբանական խնդիրներ: Այս բարդ իրավիճակում, երբ վտանգված է ազգաբնակչության առողջապահական, տնտեսական, ֆինանսական, կենցաղային անվտանգությունը, անհրաժեշտ է համախմբվել, չմատնվել խուճապի և բոլոր գործողությունները համադրել պատկան կառույցների որոշումների և հորդորների հետ:
Միևնույն ժամանակ, այս օրերի իրադարձությունները ցայտուն կերպով բացահայտեցին այն իրողությունը, որ կառավարման ոլորտում չհամակարգված գործողությունները, ռիսկի պատշաճ գնահատման ունակության բացակայությունը և հախուռն որոշումները հանգեցնում են ազգային անվտանգությանը սպառնացող խնդիրների:
Ցավոք, արդեն իսկ զգացվում են ճգնաժամային կառավարման հարցում իշխանության բարձրագույն օղակներում համապատասխան ունակությունների և փորձի բացակայության բացասական հետևանքները: Այս պայմաններում, երբ բնակչության և պետության անվտանգության խնդիրներն առաջնային են, կոչ եմ անում համախմբվել պետության շուրջ, իսկ իշխանություններին հորդորում եմ ի վերջո լրջանալ և աշխատանքային պարտականություններին վերաբերվել պատշաճ պատասխանատվությամբ:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Փաստորեն հարգելի Առավոտի համար Վանեցյանը մեր հասարակական ու քաղաքական օրակարգի կարևոր մասն է, չեք կարող չանդրադառնալ՞։ Ախր երբ ի պաշտոնէ էր խոսում, դեռ կարելի էր լսել մի կերպ։ Ռուսերեն արտահայտություն կա , смысловая нагрузка, այ հենց նրա խոսքը իմաստազուրկ լինելու պատճառով չարժե ներկայացնել, մանավանդ, որ հեղինակն էլ ինքը չէ։
«Առավոտը» բաց է անխտիր բոլոր քաղաքական հոսանքների ներկայացուցիչների առջեւ՝ իրենց տեսակետներն արտահայտելու համար, եթե այդ տեսակետները չեն պարունակում որեւէ մեկի հասցեին անձնական վիրավորանք:
Փաստորեն հարգելի Առավոտի համար Վանեցյանը մեր հասարակական ու քաղաքական օրակարգի կարևոր մասն է, չեք կարող չանդրադառնալ՞։ Ախր երբ ի պաշտոնէ էր խոսում, դեռ կարելի էր լսել մի կերպ։ Ռուսերեն արտահայտություն կա , смысловая нагрузка, այ հենց նրա խոսքը իմաստազուրկ լինելու պատճառով չարժե ներկայացնել, մանավանդ, որ հեղինակն էլ ինքը չէ։
«Առավոտը» բաց է անխտիր բոլոր քաղաքական հոսանքների ներկայացուցիչների առջեւ՝ իրենց տեսակետներն արտահայտելու համար, եթե այդ տեսակետները չեն պարունակում որեւէ մեկի հասցեին անձնական վիրավորանք:
Ամբողջական հոդվածը կարող եք կարդալ այս հասցեով՝ https://www.aravot.am/9254-2/
© 1998 – 2020 Առավոտ – Լուրեր Հայաստանից