Կասկածից վեր է, որ կորոնավիրուսով պայմանավորված՝ իրադրության տնտեսական հետևանքը շատ ավելի լայն է և հետևաբար պահանջելու է թերևս շատ ավելի ընդգրկուն քայլեր ու միջոցառումներ՝ քաղաքացիների համար այդ հետևանքները մեղմելու, ընդհանրապես տնտեսական շոկային իրողություններ թույլ չտալու համար:
Այդ իմաստով, ընդհանուր առմամբ, Հայաստանում թերևս պետք է դիտարկել տնտեսական արտակարգ դրության տարբերակը և այդ դրության մի քանի ռեժիմներ: Ակնառու է, որ պետք է ձևավորվի կառավարություն-բիզնես հաղորդակցության արտակարգ մեխանիզմ, ընդ որում, խոսքը բիզնեսի տարբեր ոլորտների մասին է՝ փոքր, միջին, խոշոր, որովհետև այստեղ երբեմն կարող են լինել շահերի բախման իրողություններ, հետևաբար, ինչպես մի կողմից կարևոր են առանձին քննարկումները՝ կառավարություն-ՓՄՁ և կառավարություն-խոշոր ձեռնարկություններ, մյուս կողմից էլ ընդհանուր՝ որովհետև այստեղ կարող է լինել կոմպրոմիսային լուծումների անհրաժեշտություն:
Անկասկած է, որ ստեղծված համաշխարհային իրավիճակում արդյունավետ են լինելու այն հանրությունները և պետությունները, որոնք կապահովեն համախմբվածության առավել բարձր աստիճան: Այստեղ խոսքն անկասկած առնչվում է նաև բիզնես հանրությանը:
Արամ ԱՄԱՏՈՒՆԻ
Կարդացեք նաև
Հոդվածն ամբողջությամբ՝ «Ժամանակ» թերթի այս համարում
