«Գործընկերները, որոնք այսօր այստեղ են՝ Հնդկաստանի Ekta Parished և Jai Jagat 2020 շարժումների հիմնադիր Փութան Վեեթիլ Ռաջագոֆալան և Կանանց շարժման առաջնորդ Ջիլ Քար-Հարրիսը, Հնդկաստանից և Կանադայից դեռևս 2015 թվականին այստեղ են եկել, և Վրաստանի հետ միաժամանակ ստեղծել են «Գանդի»-ի հիմնադրամը, որի նպատակն էր 2020 թվականին իրականացնել այս քայլարշավը, մեր հիմնական գործընկերներն են՝ «Հոդված 3» ակումբը, Եվրասիա համագործակցության հիմնադրամը, Քաղաքացիական պայմանագիր կուսակցությունը, որի հետ դեռևս մինչ հեղափոխությունը մեր գործընկերները հանդիպել էին և քայլարշավը և ոչ բռնի մեթոդները, որպես դրական փոփոխությունների հասնելու ուղղի քննարկվել էր». «Հոդված» 3 ակումբում ասուլիսի ժամանակ ասաց «Գանդի» հիմնադրամի հայաստանյան ներկայացուցիչ, Վրաստանում հիմնադրված «Ալիք մեդիա» կայքի հիմնադիր Արսեն Խառատյանը:
Հնդկաստանի Ekta Parished և Jai Jagat 2020 շարժումների հիմնադիր Փութան Վեեթիլ Ռաջագոֆալան նշեց, որ քայլարշավը սկսվել է 2019 թվականի հոկտեմբերի 2-ին Նյու Դելիից և ավարտվելու է 2020 թվականի սեպտեմբերին՝ Ժնևում: Այն ներառում է աշխարհի 10 պետություն և պատրաստվում է անցնել շուրջ 14 հազար կիլոմետր ճանապարհ: Քայլարշավի հիմնական և կարևոր ուղերձներից մեկը նվիրված է Գանդիի 150-ամյակին, և նպատակն է տարածել Գանդիի խոսքը և նրա արժեքները:
«Կարևոր դիտարկումներից մեկը, որ կցանկանամ կատարել դա ոչ բռնի կառավարումն է, որ տեսել ենք համայնքներում, որ տեսել ենք նաև դպրոցներում՝ հանդիպելով համայնքի, դպրոցների ղեկավարների հետ, որը չափազանց կարևոր ենք համարում, և նաև վերահաստատել այն որ մեր կողմից կոչ ենք արել, որպեսզի Հնդկաստանը պաշտոնապես ճանաչի հայոց ցեղասպանությունը». ասաց Կանանց շարժման առաջնորդ Ջիլ Քար-Հարրիսը:
Հ.Գ «Ջայ Գագաթ 2020-ի հայտարարությունը՝ Հաշվի առնելով կորոնավիրուսի շուրջ ստեղծված իրավիճակը, «Ջայ Գագաթ» քայլարշավը ժամանակավորապես դադարեցնում է իր միջոցառումները Հայաստանում:
Քայլարշավի հետագա ընթացքի վերաբերյալ որոշումները կկայացվեն ելնելով առաջիկա զարգացումներից, Հայաստանի կառավարության հետ համաձայնեցված ընթացակարգով:
Էլինա ՂԱԶԱՐՅԱՆ
