ՀՀ վարչապետը ֆեյսբուքյան հեռարձակմամբ դիմեց քաղաքացիներին ու կոչ արեց յուրաքանչյուրն անձնական պատասխանատվությամբ մոտենա կորոնավիրուսով վարակվելու վտանգին:
Քաղաքացիները, ինչպես նախկինում, այս անգամ էլ բազմաթիվ մեկնաբանություններ են թողել նրա ուղիղ եթերի ներքո: Օրինակ՝ մի օգտատեր մտահոգվել է, որ Բրազիլիայի նախագահը կորոնավիրուսով հիվանդ է, իսկ Աննա Հակոբյանը հանդիպել է նրա տիկնոջ հետ:
Մյուսն էլ պահանջում է. «Վարչական տույժի ենթարկել հիվանդ կամ հաշվառված և ԱՆՀԱՏԱԿԱՆ ՊԱՏԱՍԽԱՆԱՏՎՈՒԹՅՈՒՆ չունեցող անձանց։ Մեզ միայն դա կարող է ստիպել հետևել կարգապահությանը»:
Մեկն առաջարկ է արել. «Սրանից հետո ոչ մի պաչիկ, այգիներում էլ ոչ մի գզվռտոց», մյուսը զայրացել է. « Իսկ տրանսպորտում իրար բերան մտած գնա՞լը… Նշանդրեքի էֆեկտ է, էլի»:
Կարդացեք նաև
Մի քաղաքացի վարչապետի ուղիղ եթերի տակ գրում է. «Էնքան պարզ բաներ չարեցիք, որ հիմա անիմաստ է հորդորով պաշտպանվելը, պետք չէր հորդորել, մի ինքնաթիռ մարդու պետք էր մեկուսացնել։ Էդ մարդիկ եկել էին, որ Ծաղկաձոր տանեիք, չտարաք` իրենք էլ նշանդրեք գնացին»:
Մեկ ուրիշը հանրաքվեին՝ ԱՅՈ է ասել, կորոնավիրուսին՝ ՈՉ:
Մի կին նկատում է. «Մենակ հայ տղամարդիկ են իրար պաչում, որը շատ տհաճ է ու ամոթ»:
Էջմիածնի դեպքին էլ անդրադարձ կա. «Թող հարսին էլ մեկուսացնեն, ոնց էլ չլինի սկեսուրը համբուրած կլինի»: Մեկն էլ հեգնում է. «Բա Սերժի վախտ խի՞ չկար կորոնավիրուս»:
Մի օգտատեր մտահոգված է վարչապետի առողջությամբ. «Խնդրում ենք սահմանափակեք ձեր շփումները մարդկանց հետ։ Չենք ուզում մեր վարչապետը կորոնավիրուսով վարակվի։ Սա նաև ազգային անվտանգության հարց է»։
Մի օգտատեր գրել է. «Էս ՀՀԿ-ն է սարքել, որ ժողովուրդը չգնա «Այո» քվեարկի»:
«Հիմա էդ կորոնավիրուսի չինականն է լավը, թե՞ իտալականը»,- հեգնել է եւս մեկը:
«Ասենք ինքնամեկուսացվենք, բա մեր վարկերը ով է փակելու»,-հետեւել է մեկ այլ մտահոգություն:
«Բա ինչի համար ժողովրդին հավաքեցիք եւ քարոզարշավ արեցիք»,-հարց է տվել մի քաղաքացի: «Յաաա, արդեն համաճարակային վտանգ է անունը, բա նախարարդ ասում էր վտանգավո՞ր չի»,- մեկ ուրիշն է հարցրել:
«Աշխատի էլ քարոզարշավ չանես»,-խորհուրդ է տվել մեկ ուրիշը: Կան օգտատերեր, որոնց ձեւակերպմամբ, վարչապետը «կայֆավատ» է լինում մարդկանց վրա՝ երբ որ հորդորում է ձեռնպահ մնալ զանգվածային միջոցառումներին մասնակցելուց եւ միաժամանակ՝ կազմակերպում հանրահավաքներ:
«Սխտոր կեր դուխովկի մեջ դրած, դուխով ջան»,- գրել է մի քաղաքացի:
Գոհար ՀԱԿՈԲՅԱՆ
