«Շատ մեծ ցավով եմ ասում, որ այդ քննարկման ժամանակ Նիկոլ Փաշինյանը դիրքեր չուներ, դա մեր ամոթն էր՝ համազգային ամոթն ու խայտառակությունը»,-«Առավոտ»-ի հետ զրույցում անդրադառնալով վերջերս Մյունխենի անվտանգության համաժողովում Արցախի հարցով ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիւեի միջեւ քննարկմանը՝ ասաց 1992-1995 թթ. ՀՀ նախագահի հատուկ հանձնարարություններով դեսպան, ԱԱԾ նախկին տնօրեն Դավիթ Շահնազարյանը:
Նա կարծում է, որ բարձրաձայնված բոլոր հարցերի առնչությամբ Նիկոլ Փաշինյանը ոչ կոմպետենտ արձագանքներ է տվել՝ պատմությունից սկսած. «Արցախյան հիմնախնդրին բացարձակ չէր տիրապետում, գերակայություններն էլ չգիտի, կամ ձեւ է անում, թե չգիտի: Սա իմ կարծիքը չէ, այլ եվրոպական փորձագետների անկախ շրջանակների պատկերը:
Եթե Ալիեւը հստակ հայտարարեց դիրքորոշումը, ապա Փաշինյանը ոչինչ չասաց՝ կրկնելով այն անհեթեթությունը, թե հակամարտության լուծումը պետք է բավարարի, Արցախի, Հայաստանի եւ Ադրբեջանի ժողովուրդներին»:
Կարդացեք «Առավոտ» օրաթերթի 13.03.2020 համարում:
