Մարտի 11-ի երեկոյան ՀՅԴ Արցախի Նիկոլ Դուման կենտրոնում տեղի է ունեցել ԱՀ ՀՅԴ կողմից առաջադրված նախագահի թեկնածու Դավիթ Իշխանյանի և պատգամավորության թեկնածուներ՝ Վահրամ Բալայանի, Լեռնիկ Հովհաննիսյանի ու Արմինե Հարությունյանի հանդիպումը ԱՀ մարդու իրավունքների պաշտպան Արտակ Բեգլարյանի հետ:
Անդրադառնալով քարոզարշավի ընթացքին Դավիթ Իշխանյանը նշել է, որ այն ընթանում է օրենքին համապատասխան, սակայն ժամանակ առ ժամանակ՝ հատկապես սոցիալական ցանցերում նկատվում է որոշակի լարվածություն, որն ինչ-որ տեղ անխուսափելի է:
Իր հերթին Արտակ Բեգլարյանը նշել է, որ շարունակական հանդիպումների նպատակը՝ մարդու իրավունքների պաշտպանության վերաբերյալ, ընտրությունների ընթացքում կուսակցությունների եւ թեկնածուների նկատած խնդիրներին ու առաջարկություններին ծանոթանալն է: Ա. Բեգլարյանը ներկայացրել է Մարդու իրավունքների պաշտպանի գործառույթների և լիազորությունների այն շրջանակը, որով Պաշտպանի աշխատակազմը ներկայումս ընտրական գործընթացի ամենօրյա մշտադիտարկում է իրականացնում:
Հանդիպման ընթացքում պայմանավորվածություն է ձեռք բերվել մշտական կապի պահպանման եւ փոխհամագործակցության վերաբերյալ:
Կարդացեք նաև
Դավիթ Իշխանյանի գրասենյակ: Արցախ, Ստեփանակերտ
