Նոր կորոնավիրուսը շարունակում է տարածվել աշխարհում եւ հարկադրական փոփոխություններ մտցնել միջազգային խոշորագույն միջոցառումների անցկացման գրաֆիկներում: Դրանից զերծ չի մնում նաեւ մարզաշխարհը:
Քառամյա մարզական շրջափուլի խոշորագույն իրադարձության՝ Տոկիոյի ամառային 32-րդ օլիմպիական խաղերի, անցկացումը նույնպես վտանգված է: Կան տարբեր առաջարկներ՝ սկսած չեղարկումից, մինչեւ տեւական ժամանակով հետաձգում:
Խաղերի կազմակերպական կոմիտեի գործկոմի անդամ Հարույուկի Տակահաշին, օրինակ, առաջարկում է առաջիկա ամառային օլիմպիական խաղերի անցկացումը տեղափոխել 2022 թվական, քանի որ Ճապոնիան բավականին երկար է պատրաստվել եւ հսկայական միջոցներ է ծախսել: Հետեւաբար, Խաղերն ընդհանրապես չեղարկելը կամ մրցումներն առանց մարզասերների անցկացնելը ֆինանսական շատ ծանր հետեւանքներ կունենա կազմակերպիչ երկրի համար:
Ըստ Նակահաշիի, 2022 թվականի ընտրության դեպքում նախ Պեկինում կանցկացվեն ձմեռային օլիմպիական խաղերը, ապա նույն Տոկիոյում կմեկնարկեն ամառային օլիմպիական խաղերը, որոնց կհաջորդի ֆուտբոլի աշխարհի գավաթի խաղարկության եզրափակիչ մրցաշարը Քաթարում:
Կարդացեք նաև
Սրանք դեռ առաջարկներ են, որոնք ՄՕԿ-ում քննարկման առարկա են դառնալու մայիսին, որից հետո միայն վերջնական որոշում կարող է կայացվել՝ հույս ունենալով, որ այդ ժամանակ արդեն որոշակիություն կլինի նոր կորոնավիրուսի տարածման հարցում:
Աշոտ ՀԱԿՈԲՅԱՆ
