«Տաշիր» ընկերությունը, որը պատկանում է Սամվել Կարապետյանին, «ՌուսՀիդրո»-ից գնել է «Միջազգային էներգետիկ կորպորացիա» ՓԲԸ-ն: Այս մասին հաղորդում է ընկերության պաշտոնական կայքը:
Հաղորդագրության համաձայն՝ «Տաշիրը» ամբողջությամբ մարել է ընկերության կուտակած պարտքը, այդ թվում Վերակառուցման և զարգացման եվրոպական բանկին ու Ասիական բանկին կուտակած պարտքերը։ Գործարքի թույլտվություն տվել է ՀՀ հանրային ծառայությունների կարգավորման հանձնաժողովը:
«Միջազգային էներգետիկ կորպորացիա»-ն Հայաստանում էլեկտրաէներգիա արտադրող ամենախոշոր ընկերություններից է:
Պատրաստեց՝ Վիկտորյա ԱՆԴՐԵԱՍՅԱՆԸ
