«Այո»-ի քարոզարշավն այս պահին Մեղրիում է: Բնակիչների հետ հանդիպման ժամանակ «Իմ քայլը» խմբակցության ղեկավար Լիլիթ Մակունցն ասաց. «ՍԴ-ում 9 դատավորներից միայն երկու նոր ընտրված դատավորներն են, որ գործում են նոր Սահմանադրությամբ, մյուս 7-ը հին Սահմանադրության համաձայն են պաշտոնավարում, այսինքն՝ ցմահ: «Իմ քայլը» խմբակցությունը նախաձեռնեց Սահմանադրական հանրաքվե՝ սա իրավական առումով շտկելու համար: Սա հարցի միայն իրավական կողմն է, բայց հարցն ունի նաեւ քաղաքական եւ բարոյական կողմ: Կան բոլոր հիմնավոր կասկածները, որ այն 7 դատավորները, որոնց մասին նշեցի, անկախ, անկաշկանդ չեն եւ գտնվում են այլ քաղաքական ուժերի, անձանց, խմբերի ազդեցության տակ: Ավելին, այդ 7 դատավորներից առանձին անդամներ չեն առաջնորդվում դատավորի իրենց կոչմամբ եւ անում են քաղաքական հայտարարություններ, որի իրավունքը ոչ մի դատավոր, այդ թվում՝ ՍԴ դատավոր, իրավունք չունի անելու: Հարցի բարոյական կողմն էլ այն է, որ նոր Սահմանադրության հեղինակներից մեկը՝ Հրայր Թովմասյանը, որը իրավիճակի բերումով երբ դարձավ ՍԴ նախագահ, շատ հարմար էր առաջնորդվել հին Սահմանադրությամբ»:
Ըստ Մակունցի, առաջին հերթին դատական համակարգի անկախության հարցը պետք է լուծվի. «Դաշտը կոռումպացված անձանցից մաքրելու համար կա մի քանի տարբերակ: Օրինակ, առաջինը՝ ներքեւից վերեւ մաքրել, որը բավականին երկարատեւ գործընթաց է: Խառը մաքրել, որը կարող է արգելակել գործընթացը եւ մաքրել այսպես ասած վերեւից՝ գլխից բռնել, մենք ընտրել ենք վերջին տարբերակը: Գտնում ենք, որ ամենակարճ եւ արդյունավետ ճանապարհը դատական անկախության գործընթացը սկսելու համար հենց սահմանադրական հանրաքվեի միջոցով դա անելն է»:
Թե ինչու մարիկ պետք է գնան հանրաքվեի, ըստ Մակունցի, ինչպես զինվորն է պաշտպանում մեր ֆիզիկական անվտանգությունը, այսպես էլ մենք բոլորս պետք է պաշտպանենք մեր իրավական անվտանգությունը:
Կարդացեք նաև
Հռիփսիմե ՋԵԲԵՋՅԱՆ
