ԵԽԽՎ-ն կորոնավիրուսի բռնկման պատճառով հետաձգել է մինչև մարտի վերջ նշանակված բոլոր հանդիպումները, չեղարկվել են նաև աշխատակիցների ոչ կարևոր գործուղումները: Այս մասին ասվում է ԵԽԽՎ հաղորդագրության մեջ:
Հաղորդագրության համաձայն՝ կհետաձգվեն Վեհաժողովի իրավական (Փարիզ, մարտի 10), սոցիալական (Փարիզ, մարտի 12), մշակույթի (Փարիզ մարտի 16), միգրացիայի (Փարիզ, մարտի 19), հավասարության (Փարիզ, մարտի 20) և մոնիթորինգի (Անկարա, մարտի 30-31) հարցերով կոմիտեների հանդիպումները:
Որոշումն ուղղված է Վեհաժողովի անդամների, հրավիրված անձանց և քարտուղարության անդամների առողջության և անվտանգության պահպանմանը, ինչպես նաև վիրուսի հետագա տարածումը կանխելուն և կայացվել է ԵԽ հյուրընկալող երկիր Ֆրանսիայի և Առողջապահության համաշխարհային կազմակերպության առաջարկով:
Պատրաստեց՝ Վիկտորյա ԱՆԴՐԵԱՍՅԱՆԸ
