Իրանում կորոնավիրուսով վարակվածների թիվը գերազանցել է 7000-ը, գրանցվել է մահացության 237 դեպք: Ինչպես հաղորդում է IRNA գործակալությունը, այս մասին հայտարարել է Իրանի Առողջապահության նախարարության ներկայացուցիչ Կիանուշ Ջահանպուրը:
Նրա խոսքով՝ մարտի 9-ի դրությամբ Իրանում գրանցվել է կորոնավիրուսի 7161 դեպք, մահացել է 237 մարդ: Ընդհանուր առմամբ կորոնավիրուսից ապաքինվել է 2394 մարդ:
Իրանական լրատվամիջոցները նաև հաղորդում են, որ Իրանի արտակարգ պատահարների կազմակերպության ղեկավար Իսմայիլ Նաջարի մոտ կորոնավիրուսի առկայության թեստը դրական արդյունք է տվել:
«ՌԻԱ Նովոստի» գործակալությունն էլ տեղեկացնում է, որ Իրանի իշխանությունները մտադիր չեն բանտ վերադարձնել 70 հազար բանտարկյալներին, որոնք ժամանակավորապես ազատ էին արձակվել կորոնավիրուսի պատճառով, քանի դեռ հասարակության անվտանգությանը սպառնալիք չկա:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
