Երեւանի ընդհանուր իրավասության դատարանի դատավոր Աննա Դանիբեկյանը կշարունակի քննել կալանքի տակ գտնվող ՀՀ երկրորդ նախագահ «Ռոբերտ Քոչարյանի եւ մյուսների» գործը: Այսօր հրապարակվեց Աննա Դանիբեկյանի նկատմամբ պաշտպանական կողմի ինքնաբացարկի միջնորդությունների վերաբերյալ որոշումը: Միջնորդությունները մերժվեցին:
Հիշեցնենք, նախորդ նիստում Աննա Դանիբեկյանին ինքնաբացարկի միջնորդություններ էին ներկայացրել Ռոբերտ Քոչարյանի պաշտպանական խմբի անդամներ Հայկ Ալումյանը եւ Արամ Վարդեւանյանը:
Ընդհանուր առմամբ, պաշտպանական կողմը Աննա Դանիբեկյանին ինքնաբացարկի երեք միջնորդություն է ներկայացվել: Առաջինն ավելի վաղ էր ներկայացվել:
«Այնուամենայնիվ հույս ունեինք, որ հնարավոր է կբավարարվի»,- Aravot.am-ի հետ զրույցում ասաց Ռոբերտ Քոչարյանի պաշտպանական խմբի անդամ Հայկ Ալումյանը: Պաշտպանական կողմը հաջորդ դատական նիստին նախանշված գործողություններ ունի անելու, բայց դրանց մասին այժմ խոսելը Հայկ Ալումյանը դեռ վաղ է համարում:
Կարդացեք նաև
Նելլի ԳՐԻԳՈՐՅԱՆ
