Ուսումնական հաստատություններում երկուշաբթի օրվանից` մարտի 9-ից դասերը կվերսկսվեն: Այսօր կառավարության նիստում այդ մասին հայտնեց կրթության, գիտության, մշակույթի եւ սպորտի նախարար Արայիկ Հարությունյանը՝ նշելով, որ առողջապահության նախարարությունից հատուկ ցուցումներ չեն ստացել դասերը հետաձգելու վերաբերյալ:
Նա ասաց, որ պարբերաբար կապի մեջ է Առողջապահության նախարար Արսեն Թորոսյանի հետ եւ, եթե առաջիկա օրերին եւս հանրապետությունում սուր շնչառական, այդ թվում կորոնավիրուսային վարակի կանխարգելման միջոցառումների շրջանակում նոր միջնորդություն չներկայացվի, նախադպրոցական ուսումնական հաստատությունները, քոլեջները, դպրոցները, ուսումնարանները, արվեստի դպրոցները, բուհերը կանցնեն իրենց բնականոն աշխատանքային ռեժիմին:
Լուսինե ԲՈՒԴԱՂՅԱՆ
