Հանրապետական կուսակցության (ՀՀԿ) ղեկավար մարմնի՝ խորհրդի երեք անդամներ Լեռնիկ Ալեքսանյանը, Ֆիրդուս Զաքարյանը և Ռազմիկ Մարտիրոսյանը դուրս են եկել կուսակցությունից՝ ՀՀԿ առաջնորդ Սերժ Սարգսյանին մեղադրելով կուսակցությունում քրեաօլիգարխիկ բարքերի ամրապնդման մեջ։ «Ազատության» հետ զրույցում այդ մասին ասաց Լեռնիկ Ալեքսանյանը։
Նա մանրամասնեց, որ ՀՀԿ-ից դուրս գալու դիմումը գրել են դեռ այս տարվա հունվարի 13-ին։ «Դուրս ենք եկել անդամությունից՝ հունվարի 13-ին, ես, Ֆիրդուս Զաքարյանը և Ռազմիկ Մարտիրոսյանը», – ասաց Ալեքսանյանը։ Հարցին, թե ինչո՞ւ են նման որոշում կայացրել, նա արձագանքեց. – «Հիմնականում կուսակցության ղեկավարության վարած քաղաքականությունից, գծից դժգոհություն, այսինքն՝ ղեկավարությունը էն քաղաքականությունը չէր վարում, որը պիտի որդեգրեր էդ կուսակցությունով»։
Ըստ Ալեքսանյանի, իրենց չէր գոհացնում այն, որ «կուսակցությունը դարձել էր պրոֆմիություն, քրեաօլիգարխիկ համակարգի դարձրած, որ կուսակցության մեջ ներխուժեցին, եկան շատ-շատերը, որոնք կուսակցության գաղափարախոսության, քաղաքականության հետ կապ չունեն, կուսակցության մեջ գրավեցին բավականին դիրքեր»։
«Սերժ Սարգսյանը մի քանի տարի է՝ Հանրապետական կուսակցության առաջնորդն է եղել։ Երբ Դուք ասում եք՝ կուսակցությունում քրեաօլիգարխիկ բարքեր են հաստատված, Դուք ի նկատի ունեք Սերժ Սարգսյանի՞ն, որ իր օրոք է եղել, ինքն է եղել էդ քրեաօլիգարխիկ համակարգի ղեկավարը, ճի՞շտ եմ Ձեզ հասկանում», – այս հարցին արդեն նախկին հանրապետականն արձագանքեց. – «Ուրեմն, ոչ միայն Սերժ Սարգսյանին։ Ուրեմն, խնդիրն էն է, որ երկրում պայքարը կոռուպցիայի դեմ, թալանի դեմ, մյուսի դեմ, մյուսի դեմ, որ պիտի պայքար արվեր, հենց էդ մարդիկ էին նաև մտնում կուսակցության մեջ, որոնք էդ դրա կրողներն էին»։
Կարդացեք նաև
Հարցին էլ՝ «Դուք կարծում եք՝ Սերժ Սարգսյանի օրոք էդ քրեաօլիգարխիկ կարգերը ամրապնդվեցի՞ն», Ալեքսանյանը պատասխանեց. – «Շարունակվեցին և ամրապնդվեցին, այո»։
Հոդվածն ամբողջությամբ՝ սկզբնաղբյուր կայքում:
