ԱԺ-ն այսօր քննարկում է «Իմ քայլի» պատգամավորներ Նիկոլայ Բաղդասարյանի եւ Արուսյակ Ջուլհակյանի հեղինակած՝ «Քրեական դատավարության օրենսգրքում լրացումների օրինագիծն» առաջին ընթերցմամբ ընդունելու հարցը: Ինչպես հայտարարեց Նիկոլայ Բաղդասարյանը՝ այս օրինագիծը միջդատական ժամանակահատվածում վարույթն իրականացնող նախաքննական մարմին իրավունք կվերապահի հեռավար կարգով՝ տեսակապի միջոցով իրականացնելու վկայի կամ տուժողի հարցաքննությունը՝ հետեւյալ դեպքերում.
-Վկան եւ տուժողն առողջական վիճակի կամ տարիքի պատճառով չեն կարող ներկայանալ վարույթն իրականացնող մարմին:
-Անհրաժեշտ է ապահովել վկայի/տուժողի անվտանգությունը:
-Անհրաժեշտ է ապահովել նախաքննության արդյունավետությունը:
Կարդացեք նաև
Նման դեպքերում, Նիկոլայ Բաղդասարյանի խոսքով, վկան կամ տուժողը հրավիրվում են իրենց տարածքի ոստիկանության կամ քննչական բաժին. «Երբ անձն այլ տարածքում է գտնվում, օրինակ՝ Կսպանում, իսկ վարույթն իրականացնող մարմինը՝ Երեւանում, գործող օրենքը սահմանում է, որ քննիչը տուժողին/վկային պետք է Երեւան հրավիրի: Բացառիկ դեպքերում քննիչն է մեկնում Կապան: Այս օրինագծով ոչ քննիչը կարիք կունենա Կապան հասնելու, ոչ էլ վկան/տուժողը՝ Երեւան: Սա կարագացնի հարցաքննությունը, քննչական գործողությունները չեն հետաձգվի, անձինք անհարկի չեն պահվի արգելանքի ներքո»:
Նիկոլայ Բաղդասարյանը նշեց, որ օրինագիծը չի նախատեսում վկայի/տուժողի ֆիզիկապես հարցաքննություն արտերկրում. «ԱԳՆ-ի հետ աշխատելով՝ եկանք եզրահանգման, որ արտասահմանում գտնվող մեր քաղաքացին կարող է ներկայանալ մեր հյուպատոսարան եւ հեռավար կարգով հարցաքննվել քննիչի կողմից: Եթե վկան ԱՄՆ-ում է, եւ չի կարող ՀՀ գալ, նա պետք է ներկայանա ՀՀ հյուպատոսարան: Այս դեպքերում հարցը կլուծենք մինչեւ օրինագծի երկրորդ ընթերցումը»:
Լուիզա ՍՈՒՔԻԱՍՅԱՆ
