Freedom House իրավապաշտպան կազմակերպությունը Հայաստանը ճանաչել է «մասամբ ազատ» երկիր: «Ազատությունն աշխարհում 2020» զեկույցի համաձայն՝ Հայաստանը ազատության գնահատման համակարգում ստացել է 100 միավորից 53-ը, որից 21-ը բաժին է ընկնում քաղաքական իրավունքին, 32-ը՝ քաղաքացիական ազատություններին: 2019-ին Հայաստանը կրկին ճանաչվել էր «մասամբ ազատ» երկիր՝ 21 միավորով: Նշենք, որ «մասամբ ազատ» է ճանաչվել նաև Լեռնային Ղարաբաղը-ը՝ 100 միավորից ստանալով 34-ը:
Տարածաշրջանի երկրներից «մասամբ ազատ» է ճանաչվել նաև Վրաստանը՝ 61 միավորով, իսկ Թուրքիան (32 միավոր), Ռուսաստանը (20 միավոր), Իրանը (17 միավոր) և Ադրբեջանը (10 միավոր) դասվել են «ոչ ազատ» երկրների շարքին
Ավելի վաղ հաղորդել էինք այն մասին, որ զեկույցի համաձայն՝ Հայաստանում քաղաքական ազատականացումը և 2018թ. Նիկոլ Փաշինյանի իշխանության գալը դրական ազդեցություն է թողել Լեռնային Ղարաբաղի վրա: Մասնավորապես, տեղական ընտրություններին ընդառաջ ԼՂ-ում ավելացել է մրցակցությունը և քաղհասարակության ակտիվությունը, ինչն իր հերթին հարթակ է ստեղծում 2020-ին Լեռնային Ղարաբաղի նախագահի և խորհրդարանի ընտրություններում այլ փոփոխությունների համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
