ՀՀ Առողջապահության նախարար Արսեն Թորոսյանը ֆեյսբուքյան իր էջում հայտնում է.
«Քիչ առաջ խոսեցի ՌԴ Սպառողների իրավունքների և մարդու բարեկեցության պաշտպանության դաշնային ծառայության (Ռոսպոտրեբնադզոր) ղեկավար Աննա Պոպովայի հետ՝ քննարկելու կորոնավիրուսով պայմանավորված իրավիճակը աշխարհում և տարածաշրջանում։
Նախ շնորհակալություն հայտնեցի նրան մեր երկրին ցուցաբերած համակողմանի աջակցության համար, այդ թվում ախտորոշիչ թեստերի տրամադրման։
Քննարկեցինք կորոնավիրուսով պայմանավորված իրավիճակը աշխարհում և տարածաշրջանում, ինչպես նաև իրականացվող միջոցառումները երկու երկրներում։
Կարդացեք նաև
Երկուստեք կարևորեցինք երկրների համագործակցությունը վարակիչ հիվանդությունների դեմ պայքարի գործում և պայմանավորվեցինք այսուհետ ևս փորձի և տեղեկատվության փոխանակում անել»։
