«Եթե քննարկումների արդյունքում կեզրահանգենք, որ նման կարիք կա, որեւէ բանով կաշկանդված չենք: Եթե մինչեւ հիմա նման նախաձեռնությամբ հանդես չենք եկել, նշանակում է, որ չենք եկել եզրահանգման, որ այդ հարցով պետք է հանրաքվե իրականացվի»,-ԱԺ-կառավարություն հարցուպատասխանի ժամանակ այսօր անդրադառնալով հարցին, թե արդյոք պատրաստվո՞ւմ է Ամուլսարի շահագործման հարցը հանրաքվեի դնել, ասաց վարչապետ Նիկոլ Փաշինյանը:
Հարցը հնչեցրած ԼՀԿ պատգամավոր Անի Սամսոնյանը համոզմունք հայտնեց, որ ժողովուրդը պետք է հարցը լուծի հանրաքվեով եւ որոշի՝ Ամուլսարը հանք է մնալու, թե ոչ: «Օրենքը հնարավորություն է տալիս հարցը հանրաքվեով լուծել, միաժամանակ հնարավորություն է տալիս, որպեսզի հանրաքվեի հարցը լուծվի քաղաքացիական նախաձեռնությամբ: Եթե նման հնարավորություն կա, հարցն ինչո՞ւ այդպես չի լուծվում»,-ի պատասխան հարցադրում արեց Նիկոլ Փաշինյանը:
Լուիզա ՍՈՒՔԻԱՍՅԱՆ
