«Սա կարծես վարչապետի ամանորյա ուղերձի շրջանակներում է»,- այսօր «Ինֆորմացիայի ազատության կենտրոն»-ի եւ Երեւանում Բրիտանական դեսպանատան կազմակերպած «Իրական սեփականատերերի հրապարակայնությունը մեդիա ոլորտում» թեմայով քննարկման ժամանակ իր վրդովմունքը հայտնեց Հայաստանի ժուռնալիստների միության նախագահ Սաթիկ Սեյրանյանը:
Հիշեցնենք, այս թեմային իր ամանորյա ուղերձում էլ էր անդրադարձել վարչապետ Նիկոլ Փաշինյանը:
Սաթիկ Սեյրանյանն առաջարկեց. «Թող վարչապետն իր ընտանեկան բիզնեսից սկսի: Թող բացեն փակագծերը, ընդհուպ, մինչեւ թե ինչպե՞ս են աշխատել առանց վերադարձի պայմանագրի»:
Տիկին Սեյրանյանը դեմ չէ, որ լրատվամիջոցները թափանցիկ աշխատեն, նա վստահ է` որեւէ խմբագիր դեմ չէ դրան, բայց մտավախություն ունի, որ սա կդառնա իշխանության ձեռքին գործիք` լրատվամիջոցների դեմ:
Կարդացեք նաև
Այլ մանրամասները` տեսանյութում
Շուշան Դոյդոյանը հստակեցրեց` ԻԱԿ-ը շատ վաղուց է խոսել այս մասին` 2018-ի սկզբից եւ երբ ընդունվեց Բաց կառավարման գործընկերության ծրագիրը, իրենք հարկ են համարել, իբրեւ ոլորտի կազմակերպության, առաջարկել նաեւ մեդիա-ոլորտի բաց եւ թափանցիկ կառավարմանն անդրադառնալ: Նա նաեւ ասաց` սա քննարկում է` հասկանալու, արդյոք այժմ այն ճիշտ ժամանա՞կն է սկսելու համար: Բայց որ հարցը մեր օրակարգում պետք է լինի, Շուշան Դոյդոյանը այլընտրանք չի տեսնում:
Նելլի ԳՐԻԳՈՐՅԱՆ
