Այսօր ԱԺ-ում, երբ մոտեցանք ԲՀԿ պատգամավոր, Գյումրիի նախկին քաղաքապետ Վարդան Ղուկասյանին՝ հարցազրույց անելու, նա ցուցամատը տնկեց ու հորդորեց իրենից մեկ մետր հեռավորություն պահել. «Էս բացիլները, բաները…»,- ասաց նա՝ զգուշանալով կորոնավիրուսից:
Հարցին՝ բայց դուք վախենո՞ւմ եք կորոնավիրուսից՝ նա պատասխանեց. «Չնայած լավ մարդկանց չի բռնում, բայց մի քիչ հեռու կանգնեք, մի մետրը պահե՞լ եք: Շատ լավ է, դե հիմա ասեք»: Ավելի ուշ Վարդան Ղուկասյանն ասաց, որ դա Գյումրվա հումոր է:
Վարդան Ղուկասյանին հարցրեցինք՝ Իրանի խորհրդարանի 23 անդամ վարակվել է կորոնավիրուսով, դրանի՞ց եք վախենում, որ մեր պատգամավորներն էլ չվարակվեն՝ պատասխանեց. «Հիմա մենք հիսունական պասերի մեջ ենք: Ես կուզենայի, որ ամբողջ հայ ազգը այս հիսունական պասերը պահի եւ երրորդ ժամի, վեցերորդ ժամի, իններորդ ժամի, արեւագալի, խաղաղական ժամերի աղոթքներն ամեն օր անեն եւ հավատացեք, ինչքան մենք տիրոջը փառաբանենք, ինչքան մոտ լինենք տիրոջը, պատվիրանները պահենք, այնքան Աստված այս ամեն ինչը մեր երկրից կհեռացնի եւ հաղթանակը մեզ կտա, ե՛ւ կշենացնի, ե՛ւ այդ վիրուսները մեզ չի գա կպնի, մեզ ոչ մի բան չի լինի: Միայն Աստված: Ամեն ինչ ոչինչ է, սուտ, փուչ աշխարհ, ունայնություն ունայնությանց»:
Կարդացեք նաև
Հռիփսիմե ՋԵԲԵՋՅԱՆ
