Ինչ Հայաստանում հաստատվել է կորոնավիրուսի առաջին դեպքը, մարդիկ խուճապահար գնումներ են անում, «սրբում» խանութները, սնունդ են պահեստավորում, «ինքնակարանտինի են» պատրաստվում: Հավանաբար, բժշկական դիմակների դեֆիցիտը, ուսումնական փակ հաստատությունները հարեւան երկրներում կորոնավիրուսի դեպքերն էլ աչքի առաջ ունենալով, մարդիկ մտադիր են մնալ տանը՝ մինչեւ չանցնի վտանգը:
Բայց Գեղամ Գեւորգյանը, որն այսօր վստահեցրել էր՝ նոր դիմակների խմբաքանակ եթե գա՝ թանկ է վաճառվելու, իսկ խոշոր դեղատները ամենեւին չեն էլ թանկացրել դիմակները, ասուլիսին հորդորեց՝ խանութներից խուճապահար գնումներ կատարելու անհրաժեշտություն չկա:
ՏՄՊՊՀ նախագահը նաեւ վստահեցրեց՝ Հայաստանում շաքարավազի ծավալն այնքան շատ է, որ 1 տարի կբավականացնի, նույնը ալյուրի դեպքում է. «Կոչ եմ անում քաղաքացիներին այդ գործողություններին չդիմել, որեւէ ապրանքի գծով այս պահին չունենք որեւէ անհանգստացնող երեւույթ»:
Իրանից էլ այն ծավալով ապրանք չենք ներկրում, ինչպես Գեւորգյան ասաց, որ շուկայում հնարավոր դեֆիցիտ կամ խոչընդոտ առաջացնի:
Կարդացեք նաև
Նելլի ԲԱԲԱՅԱՆ
