Կոնգրեսի հայկական հարցերով հանձնախմբի համանախագահ, Կոնգրեսական Ֆրենկ Փալոն կրտսերը (Դեմոկրատ, Նյու Ջերսի) ներկայացրեց վկայություն Ներկայացուցիչների պալատի Հատկացումների հանձնաժողովի Պետական, արտաքին գործառնությունների և հարակից ծրագրերի ենթահանձնաժողովին` հայցելով ԱՄՆ-ի ուժեղացված պարտավորություն ժողովրդավարության հաստատման և Հայաստանի Հանրապետության հետ առևտրային հարաբերությունների ուղղությամբ, ինչպես նաև նպաստել խաղաղության Արցախի Հանրապետության (Լեռնային Ղարաբաղ) համար՝ 2021թ.-ի ֆինանսական տարվա Հատկացումների օրինագծի միջոցով:
Իր վկայությունում Կոնգրեսական Փալոնը ընդգծեց The HALO Trust-ի կյանք փրկող աշխատանքի՝ ականազերծման և չպայթած հրետանային զինամթերքի մաքրման կենսական ջանքերն Արցախում, ինչպես նաև հայցեց 1,5 միլիոն դոլար՝ Արցախում ականազերծման և ականների ռիսկերի մասին կրթության ծրագրերի համար՝ քաղաքացիական կյանքեր պաշտպանելու և տարածաշրջանում այս ծրագրի ծայրահեղ կարևոր աշխատանքը շարունակելու նպատակով:
Հայաստանում ժողովրդավարական կառավարման բարելավման վերաբերյալ, Կոնգրեսական Փալոնը ուշադրություն հրավիրեց քաղաքացիական հասարակությանն ու ժողովրդավարական ինստիտուտներին աջակցելու ուղղությամբ Հայաստանի կառավարության կողմից ձեռնարկված քայլերին` հայտարարելով. «Միացյալ Նահանգների Կոնգրեսը կարող է օգնել այս գործընթացին՝ ապահովելով, որ մենք տրամադրում ենք թիրախավորված աջակցություն երկրի շարունակական ժողովրդավարական անցման ընթացքում»:
Նա հայցեց Ենթահանձնաժողովին հատկացնել 100 միլիոն դոլար Հայաստանին՝ տնտեսական, կառավարման, օրենքի գերակայության և անվտանգության աջակցության համար:
Կարդացեք նաև
Բացի այդ, նա շեշտեց ԱՄՆ-ի կողմից Ադրբեջանին և Հայաստանին տրամադրվող ռազմական օգնության անհանգստացնող անհավասարությունը և առաջարկեց, որպեսզի Միացյալ Նահանգները կասեցնի ռազմական օգնությունը Ադրբեջանին, մինչ նրա կառավարությունը չդադարեցնի հարձակումները Հայաստանի և Արցախի դեմ և չհամաձայնվի շարունակվող հակամարտության խաղաղ կարգավորման:
Վերջին երկու տարվա ընթացքում հաղորդվում է, որ Ադրբեջանը ստացել է 100 միլիոն դոլար անմիջապես Միացյալ Նահանգների պաշտպանության դեպարտամենտից:
Ամերիկայի հայկական համագումար
