Ս.թ.-ի փետրվարի 23-ից մարտի 3-ը տեղի ունեցավ Եվրոպայի առաջնությունը, որին մասնակցեցին Հայաստանի լավագույն 16 մարզիկները: Հայ հրաձիգներն Եվրոպայի առաջնությանը պատշաճ հանդես գալու համար մասնակցեցին նույն քաղաքում կայանալիք ուսումնամարզական հավաքին:
Փետրվարի 25-ին, վազող թիրախ, նորմալ վազք, կանանց անհատական պայքարում 16-ամյա Գոհար Հարությունյանը 549 միավորով գրավեց 7-րդ հորիզոնականը: Թիմային պայքարում 3 մարզուհիները միասին գրավեցին 3-րդ հորիզոնականը: Գոհար Հարությունյանի այս ցուցանիշը պաշտոնապես հաստատվեց, որպես Եվրոպայի ռեկորդ՝ մինչև 21 տարեկան հրաձիգների պայքարում:
Փետրվարի 26-ին, վազող թիրախ, խառը վազք, երիտասարդ տղաների անհատական պայքարում Գյումրու համայնքապետարանի հրաձգության մարզադպրոցի մարզիչ Հովհաննես Մարգարյանի մարզիկ 17-ամյա Գոռ Խաչատրյանը 382 միավորով 1-ին տեղը կիսեց ուկրաինացի մարզիկ Դենիս Բաբլյուկի հետ: Նման դեպքում առաջին տեղ է ընկնում առավելագույնս շատ կենտրոնական 10 կպած մարզիկը, բայց մեր հայ հրաձիգը և Ուկրաինայի ներկայացուցիչը 40 կրակոցում խոցել էին հավասար քանակով կենտրոնական 10: Այս պարագայում 1-ին տեղը կիսած մարզիկները կրակում են լրացուցիչ 2 կրակոց: Բայց տվյալ դեպքում էլ Գոռ Խաչատրյանը չզիջեց իր տեղը և շարունակեցին այնքան, մինչև Գոռը ապացուցեց իր արժանի և ուժեղագույն լիները:
Գոռ Խաչատրյանը՝ խոցելով 382 միավոր, դարձել է ոչ միայն Եվրոպայի չեմպիոն, այլ նաև լրացրել է Միջազգային կարգի սպորտի վարպետի նորմատիվը:
Կարդացեք նաև
Նույն օրը՝ փետրվարի 26-ին, Երևանի հրաձգության մանկապատանեկան մարզադպրոցի մարզիչ Արմեն Սիմոնյանի սան 15-ամյա Նարե Գաբրիելյանը ատրճանակ ձևի երիտասարդների պայքարում 90 մասնակցից խոցելով 568 միավոր գրավել է 6-րդ հորիզոնականը:
Փետրվարի 25-ին և 27-ին վազող թիրախ նորմալ վազք և խառը վազք վարժություններում Լիլիթ Մկրտչյանը, Գոհար Հարությունյանը և Արուսյակ Գրիգորյանը գրավեցին 2-ական թիմային 3-րդ տեղեր:
Հայաստանի թիմը Եվրոպայի առաջնությանը մեդալների քանակով գրավեց 8-րդ հորիզոնականը:
Մրցմանը անձամբ ներկա էր Հայաստանի հրաձգության ֆեդերացիայի նախագահ Արթուր Հովհաննիսյանը:
Մարզիկները կվերադառնան հայրենիք մարտի 2-ից լույս 3-ի գիշերը՝ ժամը 04:30:
ՀՀ հրաձգության հավաքական թիմ.
- Սեյրան Նիկողոսյան – գլխավոր մարզիչ
- Անդրանիկ Այվազյան – մարզիչ
- Ռազմիկ Մինասյան – մարզիչ
- Հրաչիկ Բաբայան – հրացան /մեծահասակ/
- Քրիստիան Լաուեր – ատրճանակ /մեծահասակ/
- Իրինա Լաուեր – հրացան /մեծահասակ/
- Ալլա Պողոսյան – հրացան /մեծահասակ/
- Զավեն Իգիթյան – ատրճանակ /մեծահասակ/
- Նորայր Առաքելյան – ատրճանակ /մեծահասակ/
- Էլմիրա Կարապետյան – ատրճանակ /մեծահասակ/
- Հովհաննես Մարգարյան – վազող թիրախ /մեծահասակ/
- Լիլիթ Մկրտչյան – վազող թիրախ /մեծահասակ/
- Արուսյակ Գրիգորյան – վազող թիրախ /մեծահասակ/
- Գոհար Հարությունյան – վազող թիրախ /մեծահասակ/
- Հայկ Բաբայան – հրացան /երիտասարդ/
- Վրեժ Թորոսյան – հրացան /երիտասարդ/
- Նարե Գաբրիելյան – ատրճանակ /երիտասարդ/
- Գոռ Խաչատրյան – վազող թիրախ /երիտասարդ/
Հայաստանի հրաձգության ֆեդերացիա
