Կորոնավիրուստի տարածումը կանխարգելող միջոցառումներ են ձեռնարկվում նաեւ ՀՀ ԱԺ-ում: Անցակետում այսօր Aravot.am-ն արձանագրեց, որ քաղաքացիների ինքնությունը ստուգող անվտանգության աշխատակիցը մինչեւ նրանց մուտքը թույլատրելը չափում էր նրանց ջերմությունը՝ փոքրիկ ջերմաչափիչ սարքը մոտեցնելով պարանոցին: Ջերմաչափում էին ընդունելության եկած քաղաքացիներին, լրագրողներին, պատգամավորներին:
Ի դեպ, անվտանգության աշխատակիցը լրագրողներին ասաց, որ իրենց եւ գործընթացը նկարահանել չի կարելի:
Հիշեցնենք, որ ՀՀ-ում կորոնավիրուսով վարակման առաջին դեպքն է գրանցվել:
Լուիզա ՍՈՒՔԻԱՍՅԱՆ
Կարդացեք նաև
Լրացում. ԱԺ նախագահի խորհրդական Դավիթ Կարապետյանն ավելի ուշ ՖԲ իր էջում հաղորդեց. «Այսօրվանից շենք մուտք գործելիս բոլոր անցակետերում կստուգվեն այցելուների մարմնի ջերմաստիճանը։ Շենքի բոլոր հարկերում տեղադրված են ալկոգելեր։
Խնդրում ենք գիտակցաբար եւ առանց որեւէ անհանգստության ապահովենք առողջության պահպանման տարրական կանոնները եւ հիգիենան»:
