Մարդու իրավունքների եվրոպական դատարանը վճիռ է կայացրել ադրբեջանցի լրագրող Խադիջա Իսմայիլովայի գործով, ըստ որի՝ Ադրբեջանի իշխանությունը պետք է վճարի 25 հազար եվրո:
Իսմայիլովան դիմել էր եվրոպական դատարան՝ բողոքելով 2014թ. անօրինական ձերբակալությունից, ինչի արդյունքում նա դատապարտվել էր 7.5 տարվա ազատազրկման՝ ֆինանսական մեքենայությունների, հարկերից խուսափելու և պաշտոնեական դիրքը չարաշահելու մեղադրանքներով: Արևմտյան պետությունների կողմից ադրբեջանական իշխանությունների վրա ճնշումների արդյունքում, լրագրողի նկատմամբ պատիժը փոխարինվեց պայմանական ազատազրկմամբ՝ 1.5 տարի բանտում անցկացնելուց հետո:
ՄԻԵԴ-ը վճռել է, որ խախտվել են Իսմայլիովայի ազատության, անձնական անձեռնմխելիության, արդար դատական քննության, ազատ արտահայտվելու իրավունքները, ինչի հետևանքով լրագրողին որպես փոխհատուցում պետք է վճարվի 25 հազար եվրո:
Սա արդեն եվրոպական դատարանի երկրորդ վճիռն է Իսմայիլովայի գործով: Ավելի վաղ դատարանն անօրինական էր ճանաչել լրագրողի անձնական կյանքին միջամտելը, երբ նրա բնակարանում գաղտնի տեսանկարահանում էր իրականացվել, իսկ կադրերը տարածվել էին համացանցում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
