Այսօր ԱԺ գիտության, կրթության, մշակույթի, սփյուռքի, սպորտի եւ երիտասարդության հարցերի հանձնաժողովի նիստում երկրորդ ընթերցմամբ քննարկվեց եւ ընդունվեց «Հանրակրթության մասին» օրենքում փոփոխություններ եւ լրացումներ կատարելու մասին նախագիծը:
Հանձնաժողովի փոխնախագահ, ԿԳ նախկին փոխնախարար Հովհաննես Հովհաննիսյանն անդրադարձավ 52 դպրոցի միջադեպին: Հիշեցնենք, որ այդ դպրոցում 5-րդ դասարանի աշակերտի ծնողը աշակերտների ներկայությամբ ապտակել եւ քաշքշել էր հայոց լեզվի եւ գրականության ուսուցչուհուն ու ներկայացրել ուսուցչի՝ դպրոցից հեռացման պահանջ:
Պատգամավորն ասաց. «Այն դեպքերում, երբ որ խոսք գնաց ֆիզիկական հաշվեհարդարի մասին, ոստիկանությունը պետք է հստակ միջոցներ ձեռնարկի, եթե չի ձեռնարկել, կարծում եմ, արդեն պետք է ձեռնարկած լինեն: Որեւէ ծնող պետք է իրավասություն չունենա մտածի, որ կարող է ֆիզիկական հաշվեհարդար տեսնել որեւէ ուսուցչի հետ: Մենք անընդհատ խոսում ենք ուսուցիչների պարտականություններից ավելի շատ ու ուսուցչի դերի բարձրացումից, մենք պետք է բոլոր միջոցներով բացառենք նման դեպքերի կրկնումը որեւէ դպրոցում, ՀՀ-ում որեւէ ուսումնական հաստատությունում: Բոլոր ծնողները պետք է գիտակցեն, որ խստագույնս պատժի են ենթարկվելու եւ ունեն ոչ միայն իրավունքներ, այլ նաեւ պարտականություններ»:
Կարդացեք նաև
Հռիփսիմե ՋԵԲԵՋՅԱՆ
