ՀՀ-ԵՄ հարաբերություններին նվիրված խորհրդարանական լսումների ժամանակ այսօր ՀՀ Էկոնոմիկայի փոխնախարար Վարոս Սիմոնյանից ներկաները հետաքրքրվեցին՝ «Չինաստանում կորոնավիրուսի տարածման պատճառով մի շարք եվրոպական երկրներ պատրաստվում են իրենց արտադրությունները տեղափոխել, հնարավո՞ր է, որ դրանք վերագործարկվեն, օրինակ, ՀՀ-ում»:
Փոխնախարարը պատասխանեց, որ ՀՀ-ն պատրաստ է հյուրընկալել ցանկացած եվրոպական կամ այլ երկրների ընկերությունների եւ փորձել տեղայնացնել նրանց տեխնոլոգիաները. «Այս պահի դրությամբ նման առաջարկ չունենք, բայց պատրաստ ենք քննարկել, եւ գուցե հնարավորության սահմաններում որոշակի արտոնություններ կընձեռվեն կառավարության կողմից»:
Լուիզա ՍՈՒՔԻԱՍՅԱՆ
