Թուրքմենստանում ներկայացվել է սահմանադրական փոփոխությունների նախագիծ, ըստ որի՝ նախկին նախագահները ցմահ կդառնան Ազգային ժողովի (խորհրդարանի վերին պալատի) անդամներ:
Նախագծի համաձայն՝ յուրաքանչյուր նախկին նախագահ կդառնա Ազգային ժողովի անդամ, եթե ինքնակամ չհրաժարվի այդ իրավունքից: Ինչպես հաղորդում է currenttime.tv-ն, նախկինում Թուրքմենստանի Սահմանադրությունում պետության նախկին ղեկավարների ճակատագրի մասին հիշատակում չի եղել: Միայն նշվել է, որ ծանր հիվանդության դեպքում նախագահի պարտականությունները կստանձնի Մեջլիսի նախագահը:
Փոփոխությունների համաձայն՝ գործող Մեջլիսը կդառնա խորհրդարանի ստորին պալատը, կստեղծվի Ժողովրդական խորհուրդ, և Թուրքմենստանի նախկին նախագահներն ինքնաբերաբար կդառնան այդ կառույցի՝ խորհրդարանի վերին պալատի ցմահ անդամ:
Բայց առայժմ Թուրքմենստանի իշխանության փոխանցման պատմության ընթացքում Սահմանադրությամբ նախատեսված կարգը չի գործել: Երբ 2006թ. Թուրքմենստանի գործող նախագահը հանկարծամահ եղավ, երկրի հատուկ ծառայությունները ձերբակալեցին խորհրդարանի նախագահին, իսկ երկրի նախագահի պարտականությունները ստանձնեց այդ ժամանակվա փոխվարչապետի Գուրբանգուլի Բերդիմուհամեդովին: Վերջինս լիարժեք նախագահ ընտրվեց 2007թ.: Ակնկալվում է, որ սահմանադրական փոփոխությունները կընդունվեն մինչև տարեվերջ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
