ԿԳՄՍ նախարար Արայիկ Հարությունյանը մասնակցելու է սահմանադրական փոփոխությունների հանրաքվեի «այո»-ի ճակատի քարոզարշավին, իսկ թե ինչպիսի օրակարգով, դեռ պարզ չէ: Այս մասին նա այսօր ասաց լրագրողների հետ ճեպազրույցում: Իսկ արձակուրդ կվերցնի այդ նպատակով, թե ոչ, Արայիկ Հարությունյանը նշեց. «Կախված է նրանից, թե թիմն ինչ կորոշի: Իրականում նախարարության զբաղվածությունը շատ մեծ է»:
Հարցին, թե ինչ է իրականացվում քարոզարշավում կրթօջախների ներգրավվածությունը բացառելու համար, նախարարը պատասխանեց. «Ախր երկու օրինակ կա, որ որեւէ բուհ, դպրոց ներգրավված չի եղել քարոզարշավում: Ինչո՞ւ եք անընդհատ հետ գնում «հանրապետական» ռեժիմի ժամանակահատված: Նման ներգրավվածություն չի եղել, չկա եւ չի լինելու»: Հիշեցնենք, որ ապրիլի 5-ին սպասվում է ՍԴ նախագահ Հրայր Թովմասյանի եւ ՍԴ «հին կազմի» դատավորների պաշտոնավարման հարցով հանրաքվե:
Լուիզա ՍՈՒՔԻԱՍՅԱՆ
Կարդացեք նաև
