«Չեմ կարծում, որ խնդիր կառաջանա: Խոսքը մարդկային փոխադրումների արգելքի մասին է, եւ ոչ բեռնափոխադրումների: Բացի այդ, ՀՀ-ում գտնվող Իրանի քաղաքացիներին որեւէ կերպ չենք արգելել վերադառնալ: Նրանք անարգել կարող են վերադառնալ»,-լրագրողների հետ ճեպազրույցում այսօր անդրադառնալով ՀՀ-Իրան սահմանի ժամանակավոր փակմանն ու օդային հաղորդակցության ժամանակավոր դադարեցմանը՝ ասաց «Իմ քայլի» պատգամավոր, արեւելագետ Գոռ Գեւորգյանը:
https://www.facebook.com/aravot.am/videos/192515075350548/
Նա շեշտեց, որ Իրանում տեղի ունեցող զարգացումները ՀՀ-ի համար կարեւոր են. «Աչալուրջ ենք, թե ինչով կարող ենք օգտակար լինել հարեւան պետությանը»:
Հիշեցնենք, որ Իրանում կորոնավիրուսից մահվան դեպքեր են գրանցվել:
Կարդացեք նաև
Գոռ Գեւորգյանի խոսքով՝ ՀՀ-ն տիրապետում է բոլոր անհրաժեշտ միջոցառումներին. «Պետք է պատրաստ լինենք ցանկացած զարգացման, բայց երկու շաբաթը հիմա այն ժամանակահատվածն է, որի դեպքում հույս ունենք, որ համաճարակի էսկալացիան կնահանջի»:
Լուիզա ՍՈՒՔԻԱՍՅԱՆ
