ՀՅԴ Հայ Դատի Սիրիայի գրասենյակի պատասխանատու Միհրան Վարդապետյանը շատ կարեւոր է համարում, որ արաբական երկիր Սիրիան ընդունեց Հայոց ցեղասպանությունը: Aravot.am-ի հետ զրույցում Միհրան Վարդապետյանն ասաց, որ բանաձեւի ընդունումը տեւական աշխատանքի արդյունք է:
Հետաքրքրվեցինք`ինչո՞ւ նախկինում չէր հաջողվում բանաձեւի ընդունումը, արդյոք դա կապ ուներ աշխարհաքաղաքական զարգացումների, Սիրիայի շուրջ ստեղծված իրավիճակի հետ եւ հայկական հարցը որքանո՞վ է իբրեւ մահակ օգտագործվում այդ հարաբերություններում: Միհրան Վարդապետյանի գնահատմամբ, աշխարհաքաղաքական զարգացումներն, անշուշտ ազդեցություն ունեցան, բայց բանաձեւի ընդունման շուրջ տարիների աշխատանք է կատարվել եւ վերջին երեք ամիսների իրադարձությունների արդյունք չէ այն. «Սիրիայի արաբ ժողովուրդը մի քանի հանգրվաններով անցավ եւ սիրիահայերը անընդհատ նրանց կողքին էին»:
Հետաքրքրվեցինք նաեւ Սիրիայի հայ համայնքից: Մեր զրուցակիցն ասաց, որ Հալեպի ազատագրումից ի վեր ուրախալի օրեր են ապրում եւ Սիրիան առավել լավ դիրքերի մեջ է: Տնտեսական խնդիրներ, իհարկե, կան, բայց Հալեպի օդանավակայանի աշխատանքների վերսկսումը դրական հույսեր է տալիս:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
