Ղազախ աղջիկը «Central Asia’s Got Talent» շոուի ժամանակ երգել է հայերեն: Աիդա Բոլատը, որը ծնունդով Նուր-Սուլթանից է, կատարել է հայ երգչուհի Սիլվա Հակոբյանի «Գիշեր է» երգը՝ արժանանալով ժյուրիի անդամների հիացական գնահատականին։ Ելույթի վերջում աղջիկն արժանացել է բուռն ծափահարությունների, իսկ ժյուրիի անդամները հայտարարել են, որ իրենց դուր է եկել հայերեն երգի կատարումը: Աիդան անցել է հաջորդ փուլ:
Ինչպես տեղեկանում ենք շոուի ֆեյսբուքյան էջից, Աիդան սովորում է երաժշտական դպրոցում և երազում է ելույթ ունենալ մեծ բեմերում:
«Central Asia’s Got Talent» շոուին մասնակցում են Ղազախստանի, Ուզբեկստանի, Ղրղըզստանի և Տաջիկստանի բնակիչները:
Պատրաստեց՝ Վիկտորյա ԱՆԴՐԵԱՍՅԱՆԸ
