2020 թվականի ապրիլի 5-ին կայանալիք սահմանադրական փոփոխությունների հանրաքվեի նախապատրաստման եւ անցկացման ծախսերի համար կառավարության պահուստային ֆոնդից կհատկացվի 3 միլիարդ 447 միլիոն 366 հազար դրամ: Այս այսօր հայտնի դարձավ կառավարության նիստում, որի վերաբերյալ կառավարությունը որոշում կայացրեց:
Նիկոլ Փաշինյանի խոսքով, այս հարցում հնարավոր է շահարկումներ լինեն. «Այդ ծախսվող գումարը ներհոսելու է տնտեսություն, քանի որ տնտեսական գործարքներ են ի վերջո տեղի ունենալու եւ ժողովրդի կամարտահայտությունը արտահայտելու համար, այո, պետք է ծախսվեն գումարներ»: Ըստ նրա, մեկ միլիարդ դոլարով բյուջեի եկամուտները ավելացել են եւ այս ու նման որոշումներում նոր թափ են հաղորդելու:
Նախատեսած գումարից Կենտրոնական ընտրական հանձնաժողովին կհատկացվի 2 միլիարդ 553,049.0 հազար դրամ, ինչպես նաեւ 660 միլիոն դրամ՝ հանրաքվեի քվեարկության ժամանակ առնվազն 1.500 տեղամասերից քվեարկության ընթացքի եւ քվեարկության արդյունքների ամփոփման գործընթացի տեսանկարահանման ու միաժամանակյա համացանցային հեռարձակման գործընթացը ապահովելու նպատակով:
Կարդացեք նաև
Ոստիկանությանը կտրամադրվի 234 միլիոն 317.6 հազար դրամ:
Լուսինե ԲՈՒԴԱՂՅԱՆ
