Կոտայքի մարզպետ Ռոմանոս Պետրոսյանն այսօր Եղվարդի «Նաիրի» բժշկական կենտրոնում էր, որտեղ աշխատանքային հանդիպում և շրջայց է ունեցել հաստատության տնօրենի պաշտոնակատարի ուղեկցությամբ:
Տեղեկացնենք, որ մարտի սկզբից ծննդօգնության բաժանմունքում կսկսվեն շինարարական աշխատանքներ, այժմ ընթանում է նախագծահաշվային փաստաթղթերի կազմման գործընթաց:
Արդյունքում, հիմնովին կվերանորոգվի ծննդօգնության բաժանմունքը՝ այդ թվում բաժանմունքի առանձին մուտքը, կանանց կոնսուլտացիոն հատվածը, ծննդօգնության հարկաբաժինները, որից հետո բաժանմունքը կհամալրվի լիովին նոր գույքով և կվերազինվի նորագույն բժշկական սարքավորումներով:
Հիշեցնենք, որ որոշում էր կայացվել ստեղծել աշխատանքային խումբ՝ Եղվարդի «Նաիրի» ԲԿ-ի ծննդօգնության բաժանմունքի վերազինման և հիմնանորոգման գործընթաց սկսելու նպատակով:
Նշենք նաև, որ այս բժշկական կենտրոնում առկա խնդիրները նախատեսված էր լուծել կայուն զարգացման ճանապարհով, սակայն ստեղծված իրավիճակը ստիպեց կիրառելու Crisis Management-ի գործիքակազմ՝ հարցը օր առաջ լուծելու համար:
Կոտայքի մարզպետարան
