ԵԽԽՎ մոնիթորինգային հանձնաժողովում Ադրբեջանի հարցով համազեկուցողներ Ստեֆան Շեննաքը և Ռոջեր Գեյլը մտահոգված են Ադրբեջանում վերջին զարգացումների կապակցությամբ: Այս մասին ասվում է համազեկուցողների տարածած հայտարարության մեջ:
«Խորապես անհանգստացած ենք խաղաղ ցուցարարների հանդեպ ոստիկանության կողմից բռնի ուժի կիրառմամբ»,-հայտարարել են համազեկուցողները՝ նկատի ունենալով փետրվարի 9-ին Ադրբեջանում տեղի ունեցած խորհրդարանական ընտրություններից հետո բողոքի ակցիաների մասնակիցների դեմ կիրառված ճնշումները:
Համազեկուցողների խոսքով՝ առավել մտահոգիչ են «Լրագրողներ առանց սահմանների կազմակերպության» հայտարարություններն այն մասին, որ բռնություն է կիրառվել, այդ թվում լրագրողների հանդեպ: Նրանք Ադրբեջանի իշխանություններին կոչ են արել քննել բոլոր դեպքերը և պատժել մեղավորներին:
«Բազմակարծության ճնշումը միանգամայն անընդունելի է և պետք է անմիջապես դադարեցվի»,-եզրափակել են համազեկուցողները և Ադրբեջանի իշխանություններին կոչ են արել թույլ տալ խաղաղ ցույցեր անցկացնել՝ ժողովրդավարական գործընթացի շրջանակներում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
