Լրագրող Նաիրի Հոխիկյանը տեսանյութ է հրապարակել, որում պատկերված է ադրբեջանցի լրագրող Այազ Մութալիբովի 1992թ.ելույթը և Ադրբեջանի նախկին նախագահ Այազ Մութալիբովի 2017թ. հարցազրույցն Al-Jazeera-ին այն մասին, թե ինչ է իրականում տեղի ունեցել 1992թ. Խոջալուում:
Հիշեցնենք, որ ալիևյան քարոզչամեքենան շրջանառության մեջ է դրել Խոջալուում ադրբեջանցիների «ցեղասպանության» միֆը՝ մեղադրելով հայերին և սա այն դեպքում, երբ այն վայրը, որտեղ զոհվել է Խոջալուի բնակիչները, չի գտնվել Արցախի ինքնապաշտպանական ուժերի վերահսկողության ներքո:
Նշենք, որ Մյունխենում Ադրբեջանի նախագահ Իլհամ Ալիևը ՀՀ վարչապետ Նիկոլ Փաշինյանի հետ պանելային քննարկման ժամանակ հայտարարեց, թե Ադրբեջանի նախկին նախագահ Այազ Մութալիբովը Խոջալուում 1992-ին տեղի ունեցած ողբերգության համար երբևէ չի մեղադրել ադրբեջանական կողմին, իսկ ռուսական ԶԼՄ-ներին տված Մութալիբովի հարցազրույցը չի կարող հիմք հանդիսանալ «այնտեղ աշխատող հայ կամ հայամետ լրագրողների» պատճառով:
Քննարկումից մի քանի ժամ անց Մութալիբովն ադրբեջանական ԶԼՄ-ներում հերքեց իր իսկ հայտարարությունները:
Կարդացեք նաև
Մինչդեռ բացի այն, որ պահպանվել են Խոջալուի զոհերին նկարած լրագրող Չինգիզ Մուստաֆաևի հայտարարության տեսանյութերը, 2017թ. Al Jazeera-ին տված հարցազրույցում նույն Այազ Մութալիբովը ևս մեկ անգամ հաստատել է, որ իր դեմ 1992-ին թակարդ են հյուսել «Ազգային ճակատ» ադրբեջանական ընդդիմադիր ռազմական խմբավորման անդամները: «Նպատակն էր անցնել սահմանը և դիմավորել փախստականներին, որոնք գալիս էին Խոջալուից…Դա տեղի չունեցավ, քանի որ գնում էր պայքար իշխանության համար: Ինչքան վատ է Մութալիբովը, այնքան լավ են նրա հակառակորդները»,-ասել է Ադրբեջանի նախկին նախագահը:
Բացի այդ չեխ լրագրող Դանա Մազալովան, որը հարցազրույց էր վերցրել Մութալիբովից, ևս մեկ անգամ հաստատել է նախկին նախագահի հայտարարությունների իսկությունն այն մասին, որ հայերը ոչ մի առնչություն չունեն Խոջալուում տեղի ունեցած ողբերգական իրադարձությունների հետ, իսկ Ալիևն ուղղակի ստում է:
Պատրաստեց՝ Վիկտորյա ԱՆԴՐԵԱՍՅԱՆԸ
