ԱԺ պետաիրավական հարցերի մշտական հանձնաժողովի նախկին նախագահ Հովհաննես Սահակյանը, «Հայելի» ակումբում անդրադառնալով Մյունխենյան Ալիև-Փաշինյան հանդիպմանը նշեց.
«Այս բաց, թափանցիկ ֆորմատում մենք շատ ասելիք պիտի ունենայինք, բայց ստացվեց այնպես, կարծես թե, մենք գնացել էինք բանակցությունների առանց օրակարգի և Ալիևի պատմական անհաջող ակնարկի ոչ փաստարկված պատասխանները դարձան դեբատի հիմնական խնդիրը»:
Նա հավելեց, երբ Ալիևը անմեղ գառի կեցվածքով խոսում էր ժողովրդավարությունից, մենք բոլորս ուզում էինք, որ Փաշինյանը, որպես փաստ բերեր Ռամիլ Սաֆարովի օրինակը, երբ նա քնած սպային կացնահարեց և գեներալի կոչում ստացավ, պետք էր խոսել Սումգայիթի, Բաքվի ջարդերից և ի վերջո ապրիլյան պատերազմից, երբ Թալիշում խաղաղ բնակչությանը քնած էր ու տատիկ պապիկները չէին հասցրել ապահով տեղ գնալ նրանց անդամահատում էին:
Հովհաննես Սահակյանն անդրադառնալով Սահմանադրական փոփոխությունների հանրաքվե անցկացնելուն, ասաց, որ ընդհանրապես այս գործընթացը հակաիրավական է և չպետք է լիներ, բայց արդեն ուշ է. հանրաքվեի օրը որոշված է, կարծում եմ ժողովուրդը պետք է բոյկոտի և չմասնակցի հանրաքվեին. «Սահմանադրական դատարանի շուրջ ծավալվող քաղաքական գործընթացները հղի են բազմաթիվ վտանգներով, այս հանրաքվեն միտված չէ բարեփոխումների այլ Սահմանադրական դատարանի դատավորներից ազատվելու: Այս հանրաքվեով նոր հիմք է դրվում, որ ցանկացած քաղաքական ուժ գալով իշխանության փոխելու է ամբողջ դատական համակարգը Հանրաքվեն մարտահրավեր է իրավական պետությանը»,- ասաց Հովհաննես Սահակյանը:
Կարդացեք նաև
Նոնա ՂԱԶԱՐՅԱՆ
