Ապրիլի 5-ին կայանալիք սահմանադրության փոփոխությունների «Այո» քարոզչության կողմի շտաբը ձեւավորված է, այժմ էլ ընթանում են կազմակերպչական աշխատանքները: Այս մասին այսօր ԿԸՀ նիստից հետո, լրագրողների հետ զրույցում ասաց «Այո» քարոզչության կողմի լիազոր ներկայացուցիչ, ԱԺ «Իմ քայլը» խմբակցության պատգամավոր Վահագն Հովակիմյանը:
«Ձևավորվում են նաեւ տարածքային շտաբներ: Տարածքային պատասխանատուներն այժմ զբաղված են տարածքների ընտրությամբ՝ շտաբներ ձեւավորելու համար: Կազմակերպչական աշխատանքներ են տարվում»,- ասաց նա: Ըստ Վահագն Հովակիմյանի, «Այո»-ի քարոզարշավն, ամենայն հավանականությամբ, կսկսվի փետրվարի վերջին:
Երբ արդեն հստակ օրացուցային պլանը պատրաստ կլինի, «Այո»-ի շտաբն այդ մասին կհայտարարի:
Հիշեցնենք, որ այսօր ԿԸՀ-ն , 2020 թվականի ապրիլի 5-ին կայանալիք ՀՀ Սահմանադրության փոփոխությունների հանրաքվեին, «Իրավական ուղի» հասարակական կազմակերպության նախագահ Ռուբեն Մելիքյանին գրանցել է որպես «Ոչ» քարոզչության կողմի լիազոր ներկայացուցիչ:
Կարդացեք նաև
Նելլի ԳՐԻԳՈՐՅԱՆ
