Հաագայի վերաքննիչ դատարանը որոշում է կայացրել հօգուտ ՅՈՒԿՕՍ ընկերության նախկին երեք բաժնետերերի: Դատարանի վճռի համաձայն՝ Ռուսաստանը պետք է որպես փոխհատուցում վճարի 50 միլիարդ դոլար: Այսպիսով, Հաագայի դատարանը չեղարկել է շրջանային դատարանի որոշումը, որը Ռուսաստանին ազատել էր 50 միլիարդ դոլար վճարելու պարտավորությունից:
ՅՈՒԿՕՍ-ի նախկին բաժնետերերը (Yukos Universal Limited, Hulley Enterprises Limited и Veteran Petroleum Limited) Ռուսաստանի դեմ դատական հայց էին ներկայացրել 2014թ.՝ պնդելով, որ Մոսկվան հարձակում է իրականացրել ընկերության ու բաժնետերերի վրա՝ նպատակ ունենալով սնանկացնել ընկերությունը և խլել ակտիվները:
Ռուսաստանի արդարադատության նախարարությունը հայտարարել է, որ բողոքարկելու է վճիռը և մատնանշել, որ դատարանը հաշվի չի առել այն փաստը, որ ՅՈՒԿՕՍ-ի նախկին բաժնետերերը բարեխիղճ ներդրողներ չեն եղել:
Պատրաստեց՝ Վիկտորյա ԱՆԴՐԵԱՍՅԱՆԸ
